Na darohach budzie hałalodzica. Nie płanujcie vyjezdaŭ, abmiažujcie ruch.

Pavodle prahnozu Respublikanskaha hidramieteacentra, u najbližejšyja sutki ŭ Biełarusi budzie vobłačna z prajaśnieńniami. Nočču miescami nievialiki śnieh.

Dniom na bolšaj častcy terytoryi śnieh, u asobnych rajonach Homielskaj i Mahiloŭskaj abłaściej mocny śnieh.
Miescami na darohach hałalodzica. Viecier paŭnočny 3–8 m/s. Tempieratura pavietra nočču minus 5–12°S, pry prajaśnieńniach da minus 17°S, dniom minus 4–10°S.

U nastupnyja dvoje sutak, 29 i 30 śniežnia, pa krainie čakajecca vobłačna. Na bolšaj častcy terytoryi śnieh, miescami mocny śnieh, miacielica. Na asobnych učastkach daroh hałalodzica. Viecier paŭnočnaj čverci 5–10 m/s, 29 śniežnia miescami paryvy da 14 m/s. Tempieratura pavietra nočču minus 7–14°S, dniom minus 4–11°S.

U Minsku ŭ aŭtorak, 28 śniežnia, vobłačna z prajaśnieńniami. Ranicaj i dniom časam śnieh. Miescami na darohach hałalodzica. Viecier paŭnočny 3–8 m/s. Tempieratura pavietra nočču minus 9–11°S, dniom minus 6–8°S.

29 śniežnia ŭ stalicy vobłačna. Časam śnieh, słabaja miacielica. Na asobnych učastkach daroh hałalodzica. Viecier paŭnočnaj čverci 5–10 m/s, dniom paryvy da 14 m/s. Tempieratura pavietra nočču minus 9–11°S, dniom minus 7–9°S

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?