Jak stała viadoma «Našaj Nivie», pačaŭsia pieratrus u siastry aryštavanaha kandydata ŭ prezidenty Alesia Michaleviča Loli. Jana žyvie ŭ Minsku.

U subotu prajšli pieratrusy ŭ kvaterach, jakija naležać samomu palityku.

Dźviery adamknuŭ 16-hadovy syn Aleny Michalevič, jaki byŭ adzin doma. Haspadyni supracoŭniki patelefanavali, paprasili pakinuć usie spravy i pryjechać dachaty. Kala dźviuch hadzinaŭ jany čakali Alenu na kuchni. Pieratrus chutka skončyŭsia, supracoŭniki ničoha nie znajšli. 25 śniežnia prajšli pieratrusy ŭ kvaterach, jakija naležać samomu palityku.

Alena Michalevič paviedamiła, što joj skazali 28 śniežnia pryjści na dopyt u KDB, adnak jana adkazała, što budzie čakać pozvu.

Jak stała viadoma «Chartyi97», ciapier supracoŭniki KDB ładziać pieratrus u kvatery ŭ syna Andreja Sańnikava — Kanstancina. Kanstancin — starejšy syn ad pieršaha šlubu, jamu 35 hadoŭ.

Nahadajem, raniej pieratrusy prajšli ŭ kvatery samoha Andreja Sańnikava i ŭ kvatery baćkoŭ jaho žonki Iryny — siamji Chalip.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?