Volha Niaklajeva kaža, što aburana tym, što jaje mužu pradjavili abvinavačvańnie ŭ arhanizacyi masavych biesparadkaŭ.
«Pa videasiužetach vidać, što ludzi, jakija bili škło, — pravakatary. Znajdzicie ich, pakažycie hetych ludziej. Dzie jany? Vy ich znajšli? Jany siadziać u turmie?» — havoryć žonka palityka.
Jana źviarnuła ŭvahu na toj fakt, što Uładzimira Nieklajeva źbili, kali jon jašče byŭ kandydatam u prezidenty. «Jon byŭ dastaŭleny ŭ lakarniu i vykradzieny adtul nieviadomymi. Jaho nie było na płoščy, ale jamu inkryminujecca arhanizacyja biesparadkaŭ», — skazała Nieklajeva.
Zaraz, pa jaje słovam, Niaklajeŭ znachodzicca ŭ ciažkim stanie, učora, 29 śniežnia, ranicaj u jaho byŭ hipiertaničny kryz. «Byŭ vyklikany lekar i akazanaja niejkaja miedycynskaja dapamoha, ale jaho nie špitalizavali, što abaviazkova pavinny byli zrabić. Cisk byŭ 220 na 160, dla jaho heta vielmi vysoki, raniej padnimaŭsia maksimum da 180. Ja naohuł nie viedaju, jak jon vytrymaŭ. Kali heta paŭtorycca jašče raz, budzie insult, i ŭsio. Jaho metanakiravana zabivajuć», — ličyć žonka byłoha kandydata.
