Na hety momant piaci eks-kandydatam u prezidenty Biełarusi pradjaŭlena abvinavačańnie na padstavie častak 1 i 2 artykuła. 293 Kryminalnaha kodeksa (masavyja biesparadki).

Varta zaznačyć, što aficyjnaj infarmacyi adnosna hetaha pa-raniejšamu niama. Jak paviedamlałasia raniej, abvinavačańni pradjaŭleny Uładzimiru Niaklajevu, Andreju Sańnikavu (heta paćvierdzili ich advakaty), Vitalu Rymašeŭskamu i Mikałaju Statkieviču (pavodle infarmacyi pravaabaroncaŭ).

30 śniežnia pradjaŭlena abvinavačańnie i Alaksieju Michaleviču. Pra heta BiełaPAN paviedamiŭ jaho advakat Aleh Ahiejeŭ.

Pavodle źviestak pravaabaroncaŭ i advakataŭ, abvinavačańnie ŭ arhanizacyi masavych biesparadkaŭ na hety momant taksama pradjaŭleny davieranaj asobie Rymašeŭskaha Paŭłu Sieviaryncu, karespandentu rasijskaj «Novoj haziety», žoncy Sańnikava Irynie Chalip, namieśniku staršyni zarehistravanaj u Čechii mižnarodnaj maładziožnaj arhanizacyi «Małady front» Anastasii Pałažanka, pres-sakrataru Sańnikava Alaksandru Atroščankavu, a taksama davieranaj asobie eks-kandydata Jarasłava Ramančuka Anatolu Labiedźku.

Sprava na padstavie častak 1 i 2 artykuła 293 KK (masavyja biesparadki) raspačata śledčym upraŭleńniem papiaredniaha rasśledavańnia HUUS Minharvykankama.

Zhodna z častkaj 1 hetaha artykuła, «arhanizacyja masavych biesparadkaŭ, što supravadžalisia nasillem nad asobaj, pahromami, padpałami, źniščeńniem majomaści, uzbrojenym supraciŭleńniem pradstaŭnikam ułady», karajecca pazbaŭleńniem voli na termin ad 5 da 15 hadoŭ.

Zhodna z častkaj 2, «udzieł u masavych biesparadkach, jakoje prajaviłasia ŭ niepasrednym učynieńni dziejańniaŭ, što nazvanyja ŭ častcy pieršaha sapraŭdnaha artykuła», karajecca pazbaŭleńniem voli na termin ad 3 da 8 hadoŭ.

Pavodle apošnich źviestak, padazronymi pa spravie ab masavych biesparadkach prachodzili 27 čałaviek: siem eks-kandydataŭ u prezidenty, pradstaŭniki vybarčych štaboŭ kandydataŭ, hramadskija aktyvisty, žurnalisty i były supracoŭnik milicyi.

Jašče adzin były kandydat u prezidenty, Ryhor Kastusioŭ, paviedamiŭ, što jamu abvinavačańnie pakul nie pradjaŭlena.

Kastusioŭ, jak i eks-kandydat Dźmitryj Us, prachodzić padazronym pa hetaj spravie, ale abodva jany znachodziacca pad padpiskaj ab niavyjeździe. Źviazacca z Usam pakul nie ŭdałosia — na telefonnyja zvanki jon nie adkazvaje.

Paźniej MUS raspaŭsiudziła źviestki, što ŭsiaho na 30 śniežnia kryminalnaje abvinavačvańnie va arhanizacyi masavych biesparadkaŭ ci ŭdziele ŭ ich vystaŭlena 22 asobam.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?