Kamandujučamu VPS i vojskami SPA Biełarusi hienierał-majoru Iharu Azaronku vystaŭlena abvinavačańnie ŭ atrymańni chabaru ŭ asabliva bujnym pamiery (č. 3 art. 430 KK).

Pra heta paviedamili va ŭpraŭleńni infarmacyi i hramadskich suviaziaŭ MUS.

Maksimalnaja sankcyja č. 3 art. 430 Kryminalnaha kodeksa — 15 hadoŭ pazbaŭleńnia voli z kanfiskacyjaj majomaści.

Iharu Azaronku abrana miera strymańnia ŭ vyhladzie ŭziaćcia pad vartu.

Sprava ŭ dačynieńni da kamandujučaha znachodzicca ŭ vytvorčaści hałoŭnaha śledčaha ŭpraŭleńnia papiaredniaha rasśledavańnia MUS.

Što kankretna inkryminujecca kamandujučamu VPS i vojskami SPA, pakul nie paviedamlajecca.

Jašče adno abvinavaŭčaje zaklučeńnie vyniesiena MUS pamahatamu Ihara Azaronka — hramadzianinu Rasii, jaki zaraz taksama znachodzicca pad vartaj.

Treby zaznačyć, što 24 śniežnia pres-słužba Ministerstva abarony paviedamiła ab zatrymańni Azaronka pavodle padazreńnia va ŭčynieńni złačynstva, praduhledžanaha artykułam 455 KK (złoŭžyvańnie ŭładaj, pieravyšeńnie ŭłady abo biaździejańnie ŭłady).

Zhodna ź nieaficyjnaj infarmacyjaj, Azaronak byŭ zatrymany 20 ci 21 śniežnia.

Pavodle niekatoraj infarmacyi, hienierała zatrymali pa padazreńni ŭ atrymańni adkatu pamieram bolšym za 40 tys. dalaraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?