Ministerstva infarmacyi Biełarusi maje surjoznyja pretenzii da dziejnaści šerahu niedziaržaŭnych ŚMI pa aśviatleńni kampanii vybaraŭ prezydenta krainy,

zajaviŭ ahienctvu Interfaks ministar infarmacyi Biełarusi Aleh Pralaskoŭski.

«Vialikaja kolkaść publikacyj nasiła adkryta antydziaržaŭny charaktar, mnohija ź ich utrymlivali niedakładnyja źviestki, abrazy i paklop, zakliki da ŭdziełu ŭ niesankcyjanavanych mierapryjemstvach, — skazaŭ A. Pralaskoŭski.

Jon taksama miarkuje, što «na takich vydańniach lažyć značnaja častka viny za masavyja biesparadki, jakija mieli miesca na płoščy Niezaležnaści 19 śniežnia».

U suviazi z hetym A. Pralaskoŭski paabiacaŭ

«pilna praanalizavać dziejnaść hetych ŚMI» i «dać im adpaviednuju pravavuju acenku».

A. Pralaskoŭski taksama ličyć, što niekatoryja rasiejskija ŚMI, akredytavanyja dla aśviatleńnia vybarčaj kampanii ŭ Biełarusi, aśviatlali ich «vyklučna pieraduziata i tendencyjna».

«Na fonie narmalizacyi biełaruska-rasijskich adnosin, jakaja akreśliłasia na pačatku śniežnia, takija dziejańni možna razhladać tolki jak sprobu asobnych kołaŭ pieraškodzić raźvićciu hetaha pracesu», — ličyć ministar.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?