Pradstaŭniki śpiecłužbaŭ paviedamili pa telefonie svajmu byłomu kalehu, što jany majuć order na pieratrus.
Prychilnik Ruchu «Za Svabodu», były aficer KDB Valery Kostka zaraz znachodzicca ŭ v. Vysokaje Smalavickaha rajonu. Supracoŭniki KDB užo pryjšli na pracu da jaho žonki ŭ Smalavickaje adździaleńnie Biełahraprombanka i apytvajuć jaje.
Valery Kostka zajaŭlaje, što nie maje nijakaha dačynieńnia da padziej, što adbyvalisia padčas vybaraŭ i paśla ich, bo ŭ akcyi pratesta suprać falšavańniaŭ nie ŭdzielničaŭ i uvohule demantratyŭna ihnaravaŭ apošniuju vybarčuju kampaniju. Jon ličyć, što pieratrus, jaki chočuć pravieści ŭ jaho doma, parušaje jaho hramadzianskija pravy. Supracoŭniki śpiecsłužbaŭ pa zahadzie «źvierchu» zdolnyja znajści što zaŭhodna. Valery Kostka budzie patrabavać padčas niezakonnych, na jaho dumku, pracesualnych dziejańniaŭ śpiecsłužbaŭ prysutnaści advakata albo hramadskaha abaroncy.
