Takija čutki chodziać u Minsku.

Ich vyklikała toje, što raniejšaha ministra justycyi Hałavanava niama ŭ śpisie pieranaznačanych ministraŭ, jaki staŭ viadomy ŭčora.

90% ministraŭ zachavali svaje partfieli, niahledziačy na toje, što kiraŭnik Administracyi prezidenta Uładzimir Makiej učora ž abiacaŭ abnaŭleńnie kiraŭnictva krainy na 90%.

Natalla Piatkievič była pieršaj namieśnicaj kiraŭnika Administracyi prezidenta, adkaznaj za ideałohiju.
Na jaje miesca ciapier pryznačany były ministr adukacyi i kiraŭnik inicyjatyŭnaj hrupy Łukašenki-kandydata Alaksandr Radźkoŭ.

U svoj čas ahladalnik Alaksandr Fiaduta — ciapier palitviazień — pisaŭ, što niestandartny styl kiraŭnictva Piatkievič, maładoj i jarkaj žančyny, vyklikaŭ nieprymańnie ŭ pałku pieravažna staravatych i kosnych ideołahaŭ na miescach.

U palityčnych kołach musiravalisia čutki pra niefarmalnaje supiernictva Piatkievič i Makieja.
Apošniaha ličyli lidaram pamiarkoŭna-nacyjanalnaha kryła ŭ atačeńni Łukašenki.
Cikava, što novym kiraŭnikom telebačańnia zamiest Zimoŭskaha staŭ aktor i deputat Hienadź Davydźka, a nie namieśnik Zimoŭskaha, muž Piatkievič, Alaksandr Martynienka.
Martynienka — prafiesijny žurnalist i televizijnik, i šmat chto čakaŭ jahonaha ŭzychodu na pasadu kiraŭnika BT. Doŭhi čas Martynienka i Zimoŭski pracavali razam u dvuchsensoŭnaj situacyi. Zimoŭski dazvalaŭ sabie nieprystojnyja ataki na Piatkievič, i ciažka sabie ŭjavić, jak Martynienka toje pa-mužčynsku tryvaŭ. Zaraz, z Davydźkam, jamu ŭ hetym sensie jaŭna stanie praściej.

Darečy, jašče raniej samoj Piatkievič prarakavali televizijnuju karjeru. Pradkazać takija pieramiaščeńni amal niemahčyma, bo łohika kadravaj palityki Łukašenki takaja, kab nijakaja asoba nie nabirała zavialikaj palityčnaj vahi. U cełym jon addaje pieravahu niajarkim biurakratam starejšaha pakaleńnia, u vyniku čaho siaredni viek biełaruskaha ministra składaje kala 55 hadoŭ — adzin z najstarejšych u Jeŭropie.

Bolš na hetuju temu: chto jość chto va ŭładzie?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?