U 2011 hodzie adnosiny Biełarusi z Rasijaj, Jeŭrasajuzam i ZŠA buduć raźvivacca kanfliktna. Takuju dumku vykazaŭ u intervju BiełaPAN palitołah Valeryj Karbalevič.
«Z Rasijaj u Biełarusi adnosiny kanfliktnyja zaŭsiody pa aznačeńni
U toj ža čas, miarkuje Karbalevič, płanaŭ pa źmienie ŭłady ŭ Biełarusi ŭ Rasii niama. «Zusim nie fakt, što na źmienu Łukašenku pryjdzie palityk, jaki budzie nastrojeny bolš prarasijska. A Rasija maje ŭžo bahaty vopyt u adnosinach ź inšymi dziaržavami, kali Rasii nie padabaŭsia niejki palityk i jana navat sadziejničała jaho źmienie, a novy palityk jašče bolš dystancyravaŭsia ad Rasii», — skazaŭ Karbalevič. U jakaści prykładu jon pryvioŭ Hruziju i Małdovu i padkreśliŭ, što, «apiokšysia na hetych prykładach,
Rasija budzie vielmi aściarožna dumać, ci varta mianiać Łukašenku».
Pry hetym, na dumku Karbaleviča, «navat kali b Rasija pryniała rašeńnie pa źmienie Łukašenki, u jaje niama ryčahoŭ i miechanizmaŭ dla źmieny ŭłady ŭ Biełarusi». «Rasija viedaje, jak, naprykład, sadziejničać prychodu da ŭłady patrebnych palitykaŭ u inšych krainach — dać hrošaj, dapamahčy z palittechnałohijami. Ale ŭ Biełarusi niama vybaraŭ, tamu takaja taktyka sensu nie maje. A inšych sposabaŭ źmieny ŭłady Rasija nie viedaje», — skazaŭ ekśpiert.
Jon ličyć, što Rasija praciahnie «cisk na samoha Łukašenku z tym, kab zrabić jaho bolš padatlivym».
Što da adnosinaŭ z Zachadam, to, na dumku Karbaleviča,
tut naśpiavaje surjozny kanflikt.«Zachad hatovy niejkija sankcyi ŭvodzić, byli vielmi žorstkija zajavy z boku zachodnich palitykaŭ, dziaržaŭ», — adznačyŭ jon. Pry hetym ekśpiert padkreśliŭ, što takaja reakcyja i dziejańni Zachadu vykličuć «niehatyŭnuju reakcyju ź biełaruskaha boku». «Tym bolš, miarkujučy pa tym, jak zakančvajecca hety hod, represii suprać apazicyi buduć vielmi surjoznymi. Buduć sudovyja pracesy, na jakich budzie ŭvaha skancentravana. Tamu adnosiny z Zachadam pierachodziać u stadyju chałodnaj zimy. Jak doŭha jana praciahniecca, pakul ciažka havaryć», — adznačyŭ Karbalevič.
U toj ža čas jon ustrymaŭsia ad prahnazavańnia taho, jakija mienavita sankcyi moža ŭvieści ES u dačynieńni da Biełarusi. «Jašče tolki novaja palityka vypracoŭvajecca, tamu ja b nie staŭ pakul hadać.
Ale toje, što budzie ŭzmacnieńnie žorstkaści palityki ŭ dačynieńni da biełaruskaha kiraŭnictva, heta niesumnienna», — upeŭnieny ekśpiert.
Karbalevič taksama ličyć, što zatrymanyja 19 śniežnia
