Pra heta ŭ interviju niadzielnamu vydańniu hazety Frankfurter Allgemeine (Frankfurter Allgemeine Sonntagszeitung — F.A.S.) zajavili viadučyja niamieckija palityki i ŭradoŭcy.
Ministar Vestervele adznačyŭ:
«My budziem damahacca, kab EZ daŭ vyrazny palityčny adkaz na machinacyi padčas vybaraŭ u Biełarusi. Adkaznyja asoby i asabista Łukašenka pavinny zrazumieć, što padaŭleńnie svabody źjaŭlajecca nieprymalnym».
Jak adznačaje F.A.Z.,
damahacca žorstkaj reakcyi z boku EZ Berlin budzie razam z polskim uradam.
«Niamieččyna na baku tych, chto zmahajecca za svabodu i demakratyju ŭ Biełarusi», — zajaviŭ pradstaŭnik kanclera Anhieły Merkiel Štefen Zajbert. «Žorstkaść, ź jakoj Łukašenka zdušyŭ pratest apazycyi, śviedčyć pra hrubaje parušeńnie ŭsich
Pavodle Zajberta, patrabavańnie jaho krainy maksymalna prazrystaje: «palityčnyja źniavolenyja pavinny być vyzvalenyja».
Kiraŭnik viedamstva bundeskanclera Ronald Pafała, u svaju čarhu, paviedamiŭ F.A.Z., što napiaredadni Kaladaŭ mieŭ telefonnuju razmovu ź kiraŭnikom administracyi Łukašenki Ŭładzimieram Makiejem i zapatrabavaŭ nieadkładnaha vyzvaleńnia ŭsich palityčnych viaźniaŭ. Jon taksama adznačyŭ, što praciahły čas viedaje niekatorych aryštavanych kandydataŭ na prezydenta dziakujučy pajezdkam u Miensk.
Navat palityki z apazycyjnych partyj, piša F.A.Z, rezka krytykujuć dziejańni Łukašenki. Pavodle lidera partyi zialonych Klaŭdyi Rot, «z zakryćciom ofisu ABSE Łukašenka izaluje svaju krainu dziela taho, kab usimi sposabami zachavać niekranutym svoj supraćpraŭny režym i schavać padrabiaznaści ab chodzie i praŭdzivych vynikaŭ vybaraŭ».
Z krytykaj Łukašenki vystupiŭ i lider frakcyi levych u bundestahu Hrehar Hizi.
«Dziejańni Łukašenki demanstrujuć, što «z hałoŭ ludziej pavinny vybivacca navat dumki ab apazycyi», zajaviŭ niamiecki parlamentar.
