Da haziety «SB. Biełaruś Siehodnia» pačaŭ vychodzić dvuchmoŭny litaraturny dadatak «SB. Litara».
Publikacyjaj vieršaŭ Ryhora Baradulina adkryvajecca «antałohija paezii 1960-ch». U numary taksama — vieršy Viki Trenas, proza Janki Sipakova, litnaviny, intervju, knižny ahlad.
Takaja sproščanaja viersija litaraturnaha časopisa na šasnaccaci staronkach.
Vychodzić jon budzie raz na miesiac. Pieršy numar ukłała Ludmiła Rubleŭskaja.
Ciapier u krainie nazirajecca bum na litvydańni. Pačaŭ vychodzić rasijskamoŭny časopis «Biełaja vieža», jaki vydaje Sajuz piśmieńnikaŭ sajuznaj dziaržavy. U haziecie «Litaratura i Mastactva» źjaviŭsia dvuchmoŭny dadatak «Knižny śviet». A na hety hod zapłanavany vychad trochmoŭnaha litaraturnaha časopisa, jaki budzie drukavacca adrazu pa-biełarusku, pa-rasijsku, pa-ŭkrainsku. Vydańnie jaho rychtujecca z pryvatnaj inicyjatyvy.