Zhodna z načalnikam AAC, Gmail i Facebook zabłakavalisia sami saboj 15

«Što da abvinavačańniaŭ, vykazanych asobnymi pradstaŭnikami zachodniejeŭrapiejskich krain i ZŠA ŭ adras biełaruskich uładaŭ, u naŭmysnym abmiežavańni dostupu da apazicyjnych sajtaŭ padčas masavych biesparadkaŭ 19 śniežni 2010 ličym nieabchodnym adznačyć, što dadzienyja abvinavačvańni biespadstaŭnyja», — zajaviŭ ahienctvu «Interfaks-Zachad» načalnik Apieratyŭna-analityčnaha centra (AAC) Valeryj Vakulčyk.

AAC — heta novaja śpiecsłužba, jakaja vyrasła z KDB.

Akazvajecca, «jakichści dziejańniaŭ, nakiravanych na abmiežavańnie dostupu karystalnikaŭ internet-pasłuh da infarmacyi, nie ładziłasia».

Pavodle jaho infarmacyi, «u hety dzień adznačałasia pavyšanaja cikavaść karystalnikaŭ da infarmacyjnych resursaŭ, što časam pryvodziła da ciažkaściaŭ dostupu».

«Adnačasova z hetym byli vyjaŭlenyja ataki (vialikaja kolkaść icmp zapytaŭ, sproby padboru parolaŭ da srodkaŭ abarony, SYN flood ataki i ataki z vykarystańniem frahmientavanych pakietaŭ), nakiravanyja na vyvad z ładu internet-vuzła administracyi prezidenta Biełarusi», — paviedamiŭ V.Vakulčik.

«Dla procidziejańnia takim napadam sumiesna z RUP» Biełtelekam «praviedzieny kompleks techničnych mierapryjemstvaŭ, jakija zabiaśpiečyli stabilnuju pracu nazvanych infarmacyjnych resursaŭ», — adznačyŭ jon.

Jak viadoma, u dzień vybaraŭ u Biełarusi źnik dostup da najbolšych niezaležnych sajtaŭ krainy, śviedkami čaho stali sotni tysiač interniet-karystalnikaŭ. Byli zabłakavanyja taksama płatformy Gmail.com, Facebook i LJ.

MB

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH