«Budziecie mieć bledny vyhlad i redkija zuby», — patelefanavaŭ siońnia nieznajomy na chatni numar videaapieratarki «NN» Taćciany Haŭrylčyk.
Tacianie Haŭrylčyk davodziłasia pracavać u roznych umovach, ale z KDB i pahrozami fizičnaj raspravy jana sutyknułasia ŭpieršyniu.
Kampanija pa ckavańni niezaležnych žurnalistaŭ nabiraje abaroty. Siońnia, 3 studzienia, u 17.26 na chatni numar videaapieratarki «NN» Taćciany Haŭrylčyk patelefanavaŭ nieznajomy, jaki dva razy paŭtaryŭ joj: «Budietie imieť blednyj vid i riedkije zuby».
Nahadajem, što padčas pratestaŭ 19 śniežnia Taćciana Haŭrylčyk zdymała na videa akcyju pratestu, robiačy heta na całkam zakonnych padstavach — jak štatnaja žurnalistka aficyjna zarehistravanaha vydańnia. Praz tydzień paśla hetaha prajšoŭ šerah pieratrusaŭ u redakcyjach niezaležnych ŚMI (uklučna z «Našaj Nivaj») i kvaterach žurnalistaŭ. KDB šukała najpierš fota- i videamateryjały, jakija mohuć źjaŭlacca dokazami ŭ zaviedzienych kryminalnych spravach ab masavych biesparadkach u Minsku i ab epizodzie z zryvańniem dziaržaŭnaha ściaha z budynka KDB.
31 śniežnia — u dzień pierad Novym hodam — čatyry supracoŭniki KDB praviali pieratrus na kvatery ŭ Taćciany Haŭrylčyk, skanfiskavali kampjutar i videakamieru. Padčas pieratrusu kadebisty vusna prapanavali Taćcianie pryjechać da ich na hutarku 3 studzienia.3 studzienia Taćcianie patelefanavali, jašče raz prapanavaŭšy źjavicca na hutarku ŭ KDB, a
Supracoŭnik KDB namiaknuŭ na toje, što ŭ tym vypadku, kali Taćciana pahodzicca na razmovu biez advakata, jana — i ŭsia Redakcyja «Našaj Nivy» — u bolš chutki termin atrymaje nazad svajo abstalavańnie (miarkujučy pa ŭsim, miełasia na ŭvazie videakamiera i kampjutary). Tym nie mienš, Taćciana razmaŭlać biez advakata admoviłasia.
Uviečary hetaha ž dnia, prykładna praź dźvie hadziny paśla taho, jak KDB admoviłasia pravieści razmovu z Taćcianaj u prysutnaści advakata, jana atrymała ananimnaje telefanavańnie z pahrozami.
Zvanok byŭ na chatni telefon T.Haŭrylčyk, a 17.25.
Nieviadomy paŭtaryŭ pahrozu dvojčy, paśla čaho žurnalistka kinuła słuchaŭku. Telefanavańnie nie paŭtarałasia.
Aficyjnaja skarha ŭ milicyju na fakt pahrozaŭ žurnalistcy «NN» budzie skiravanaja nieadkładna.
