«U procilehłym vypadku ja moh by nie viarnucca z nastupnaha dopytu».
Jak stała viadoma «Našaj Nivie», byłoha kandydata ŭ prezidenty viečaram znoŭ zaprasili ŭ KDB.
Tam Rymašeŭskamu paviedamili, što ŭ vypadku praviadzieńnia zaŭtra pres-kanfierencyi, jon znoŭ moža apynucca ŭ izalatary KDB.
«Mianie papiaredzili, što nie daduć pravieści pres-kanfierencyju, — raspavioŭ Vital Rymašeŭski karespandentu „NN“. — Rasceniać jaje jak parušeńnie padpiski ab nierazhałošvańni i sprobu ŭpłyvać na chod śledstva. U procilehłym vypadku ja moh by nie viarnucca z nastupnaha dopytu… Ja zmahu davać intervju, ale jakija nie tyčacca abstavinaŭ vyzvaleńnia i padziejaŭ 19 śniežnia».
Pres-kanfierencyjaeks-kandydata ŭ prezidenty była zapłanavanaja na ranicu 4 studzienia. Siońnia, a 15.00 Vitala Rymašeŭskaha vyklikajuć na nastupny dopyt u KDB.
