Redakcyja «Našaj Nivy» vinšuje ŭsich svaich čytačoŭ, jakija śviatkujuć Rastvo Chrystova 7 studzienia, z radasnym śviatam. Niachaj dla Vas i dla kožnaha inšaha čałavieka prahučać słovy nadziei: «Chrystos naradziŭsia!»
Fota intex-press.by.
Minułaj nočču va ŭsich chramach pačalisia śviatočnyja nabaženstvy.
Mitrapalit Fiłaret uziaŭ udzieł va ŭsianočnym niaspańni, što pačałosia ŭ minskim
7 studzienia kiraŭnik Biełaruskaj pravasłaŭnaj carkvy budzie ŭdzielničać u Božaj liturhii, jakaja pačniecca ŭ hałoŭnym pravasłaŭnym chramie krainy ŭ 10.00, i ŭ kaladnaj vialikaj viačerni (u 16.00).
Płanujecca, što sabor naviedaje Alaksandr Łukašenka.
U Biełarusi dziejničajuć 1.509 pravasłaŭnych prychodaŭ, 1.315 chramaŭ i 31 manastyr; 152 carkvy budujucca. U Biełaruskim ekzarchacie Ruskaj pravasłaŭnaj carkvy słužać 1.564 śviatary.
Tradycyjnyja biełaruskija kaladki. Śpiavajcie sami i ź dziećmi
UČORA Ź VIAČORA
Učora ź viačora*
Zaśviaciła zora.
Zora zaśviaciła,
Śviet uźviesialiła.
Śviet uźviesialiŭsia:
Chrystos naradziŭsia.
Chrystova radžeńnie
Ludziam na zbaŭleńnie.
Ludzi, vybiahajcie,
Chrysta pryvitajcie.
Chrysta pryvitajcie,
Nam kaladu dajcie.
* Kožny radok śpiavajecca dvojčy.
NOVA RADAŚĆ STAŁA
Nova radaść stała,
Jaka nie byvała.
Nad Bietlemam źviezda jasna,
Śvietła zasijała.
Tam Chrystos radziŭsia,
Ź Dzievy vapłaciŭsia,
Na niabiesi i na ziemli
Nam błahasłaviŭsia.
Anhieły śpiavajuć,
Isusa vitajuć,
Na niabiesi i na ziemli
Mir pravazhłašajuć!
NIEBA I ZIEMLA
Nieba i ziemla,
Nieba i ziemla,
Radasna śpiavajuć.
Anioły śvietu,
Anioły śvietu
Dziva abviaščajuć.
Prypieŭ:
Chrystos naradziŭsia,
Boh abjaviŭsia,
Anioły śpiavajuć,
Pastuški ihrajuć,
U Betlejemie,
U Betlejemie
Viasioła navina
Čystaja Dzieva,
Čystaja Dzieva
Naradziła Syna.
Prypieŭ. A my Dziciatku,
A my Dziciatku
Bohu pakłon dajma.
Słavu na vyšyniach,
Słavu na vyšyniach
Jamu zaśpiavajma.
Prypieŭ.
CICHAJA NOČ
Cichaja noč, śviataja noč!
Usio śpić, śnić daŭno.
Tolki Maci Śviataja uściaž
Cicha ŭ jaślach lulaje Dzicia —
Śpi, Synočak mały,
A uhary usio haryć
Sierabrom zornych kryh,
Chor aniołaŭ piaje pastuchom
Ab Dziciaci, što budzie Chrystom,
Śvietłaj pieśniaj chvały
Słaviać Zbaŭcu ziamli.
Cichaja noč, śviataja noč,
Ŭ rodny kraj zavitaj,
Ludziam sum i tuhu razhani,
Chaj ža ciešacca ŭ hetyja dni,
Ŭ cichuju, śviatuju noč,
Ŭ cichuju, śviatuju noč!
DOBRY VIEČAR TOMU
Dobry viečar tomu*,
Chto ŭ hetamu domu!
My sami z saboju,
Ź dziećmi i žanoju,
Stały zasciłajem,
Kalady spraŭlajem.
A pa hetaj movie
Budźma ŭsie zdarovy,
A pa hetaj kazcy
Žyvicie ŭ łascy.
* Kožny radok śpiavajecca dvojčy.
ZORA ZAŚVIACIŁA
Učora źviačora zora zaśviaciła,
Novy hod, novy, zora zaśviaciła.
A Božaja Maci Syna naradziła,
Novy hod, novy, Syna naradziła.
Syna naradziła, u pialony spaviła,
Novy hod, novy, u pialony spaviła.
U pialony spaviła, aniołam skazała,
Novy hod, novy, aniołam skazała:
Anioły śviatyja, kałyšycie Syna,
Novy hod, novy, kałyšycie Syna.
Kałyšycie Syna, pojcie Jamu piesni,
Novy hod, novy, pojcie Jamu piesni.
Pojcie Jamu piesni, da ŭsio i śviatyja,
Novy hod, novy, da ŭsio i śviatyja.
Usie ludzi rady, usie viesialacca,
Novy hod, novy, usie viesialacca.
Na Božaha Syna ŭsio nie nahladziacca,
Novy hod, novy, ŭsio nie nahladziacca.
NA NOVA LETA RADZI, BOŽA, ŽYTA
Na nova leta radzi, Boža, žyta,
Ščodry viačor, bahaty viačor*,
Žyta pšanica, usiakaja pašnica, Daj tabie Boža,
Piva varyci, synkoŭ žanici,
Harelicu hnaci, dačok vydavaci,
Zaleź na balasku i dastań kaŭbasku!
Stań na drabinku i dastań sałaninku!
Košyčak maku da taho prysmaku.
Zbanočak miodu nam na asałodu.
*Paŭtarajecca paśla kožnaha radka.
