Čarhovaje nadzvyčajnaje zdareńnie na palavańni zdaryłasia na terytoryi nacyjanalnaha parka «Naračanski».
Z zajavaj ab zdareńni padčas dazvolenaj kalektyŭnaj palavańnia na dzika ŭ Miadzielski RAUS źviarnuŭsia starejšy jehier parku. Pa słovach zajaŭnika, adzin z palaŭničych atrymaŭ ahniastrelnaje ranieńnie skivicy. Zdaryłasia heta ranicaj 11 studzienia ŭ lesie pablizu vioski Narač.
Pavodle papiarednich dadzienych, adzin z palaŭničych -- hienieralny dyrektar sankt-pieciarburhskaha ZAT «Nika» - stralaŭ u dzika. Adnak kula zrykašeciła, mahčyma, ad dreva, źmianiła trajektoryju i trapiła ŭ skivicu hiendyrektara adnaho ź filijałaŭ AAT «Rasijskija čyhunki».
Paciarpiełaha ź pierałomam nižniaj skivicy dastavili miascovuju balnicu. Usie akaličnaści zdareńnia buduć ustanoŭleny ŭ chodzie pravierki. Ź miesca zdareńnia kanfiskavali zarehistravanaje palaŭničaja strelba TOZ-34R, 4 patrony i 14 hilzaŭ.
Pa źviestkach Naviny.By, niaŭdačlivy palaŭničy prava na zachoŭvańnie hładkastvolnaj ahniastrelnaj zbroi atrymaŭ u śniežni 2010 hoda.
