Nie zabyvać pra Biełaruś zaklikaŭ staršynia Jeŭrapiejskaha parłamienta Ježy Buziek u zajavie ŭ suviazi z 20-j hadavinaj trahičnych padziej u Litvie.

«Kali my ŭspaminajem pra mužnaść i adzinstva bałtyjskich narodaŭ u Estonii, Łatvii i Litvie, čyja mirnaja revalucyja sa śpievami i ściahami złamała adzin z samych nialudskich tatalitarnych režymaŭ u suśvietnaj historyi, my nie pavinny zabyvać pra narody, jakija dahetul znachodziacca pad pryhniotam», — padkreśliŭ Buziek.

«Maje dumki, u pryvatnaści, ź niepasrednaj susiedkaj Litvy Biełaruśsiu, dzie ŭ noč 19 śniežnia 2010 hoda <…> biełaruski narod pieražyŭ ułasnuju «Kryvavuju niadzielu», — zajaviŭ kiraŭnik Jeŭraparłamienta.

«Pamiatać pra toje, čaho Litva dasiahnuła ŭ minułym, źjaŭlajecca našaj adkaznaściu siońnia, — skazaŭ Buziek. — My pavinny pakazać poŭnuju salidarnaść ź biełaruskim narodam. Bolš, čym chto-niebudź u Jeŭropie, jon zasłužyŭ, kab duch svabody, demakratyi i niezaležnaści ŭrešcie dasiahnuŭ i jaho krainy».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?