Akcyjaniernaje tavarystva "Litoŭskija čyhunki" ŭžo da červienia biahučaha hoda ŭ supracoŭnictvie ź biełaruskimi kalehami płanuje amal na hadzinu skaracić čas u šlachu ciahnikoŭ pamiž Minskam i Vilniaj -- dajechać ciapier možna budzie nie za 3 hadziny 50 chvilin, a roŭna za 3 hadziny. U bližejšaj budučyni hety čas skarocicca jašče na hadzinu.

Dasiahnuć ekanomii času płanujecca za košt skaračeńnia pracedury pasažyrskaha kantrolu na pamiežnych prapusknych punktach Hudahaj ŭ Biełarusi i Kiena ŭ Litvie. Jak śćviardžajuć pradstaŭniki "Litoŭskich čyhunak", 50 chvilin - nie miaža ekanomii času. Bo pierajezd ź Vilni ŭ Kłajpiedu, adlehłaść pamiž jakimi amal udvaja daŭžej (346 km), čym pamiž Vilniusam i Minskam (205 km), u pasažyraŭ zajmaje stolki ž času, jak pajezdka ź Vilni ŭ Minsk. Pa słovach litoŭskich čyhunačnikaŭ, pusk ŭ 2013 hodzie na hetym maršrucie sučasnych dyzielnych ciahnikoŭ dazvolić skaracić čas u šlachu da 2,5 hadziny, a ŭ 2014 hodzie, kali budzie elektryfikavany ŭčastak Maładziečna - Kiena - Novaja Vilnia -- i ŭvohule da 2 hadzin.

Pradstaŭniki litoŭskaj čyhunki ŭpeŭnienyja, što elektryfikacyja čyhunačnaha ŭčastka pamiž Biełaruśsiu i Litvoj budzie spryjać i rostu hruzapatokaŭ: skarociacca vydatki na paliva, mienš budzie zabrudžvacca navakolnaje asiarodździe, dy i mahutnyja elektravozy kursujuć chutčej, čym ciepłavozy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?