Dyrektar Instytuta stratehičnych daśledavańniaŭ Vital Silicki prakamientavaŭ publikacyju ŭ «SB» «kampramatu» na biełaruskuju apazicyju. Silicki nazvany ŭ liku imaviernych źniešnich kansultantaŭ kampanii «Havary praŭdu».
«Proźvišča majo abciakalna zhadvajecca. Nibyta Fiaduta źbiraŭsia prapanavać mnie takuju pracu», – adznačaje analityk. Jon kaža, što nie pracavaŭ na kampaniju. Značnuju častku času jaje dziejnaści prachvareŭ, a paśla tolki krytykavaŭ pracu «HP».
«Takija dakumienty pakazvajuć uzrovień dziaržaŭnaj analityki. Vidavočna, što ŭ publikacyi sabrany ŭsie čutki pra siabroŭ, partnioraŭ, jakija mielisia za 10 hadoŭ, i skinuli ŭ adno». I adznačaje, što aŭtar tekstu niedaśviedčany naležna ŭ apazicyjnych i jeŭrapiejskich spravach.
Vital Silicki publikacyju ŭ «SB» ličyć sprobaj pomsty jeŭrapiejskim palitykam, jakija ŭzialisia za pieramovy z Łukašenkam, a ciapier krytykujuć jaho. Sikorski, Viesterviele.I zaŭvažyŭ, što «jašče dva miesiacy tamu Łukašenka zajaŭlaŭ, što Sańnikava i Niaklajeva padtrymlivaje Maskva, ciapier ab hetym niama ni słova».
Hladzi jašče: Aleś Bialacki pra publikacyju ŭ «SB»: Takoj razmovy pa Skajpie nie było
