«Toje, što napisana ŭ „Sovietskoj Biełoruśsii“ pra prezidenckuju kampaniju ŭ Biełarusi, — drobiaź, ja viedaju ŭ dziasiatki razoŭ bolš», —
zajaviŭ staršynia Libieralna-demakratyčnaj partyi Siarhiej Hajdukievič, jaki mieŭ namier udzielničać u vybarach, ale źniaŭ svaju kandydaturu.

14 studzienia ŭ «SB» byli apublikavanyja «rassakrečanyja dakumienty» pra padziei 19 śniežnia ŭ Minsku. Adnosna Hajdukieviča zajaŭlena nastupnaje: «Fiaduta paviedamiŭ, što na jaho inicyjatyŭna vyjšaŭ staršynia ŁDP Hajdukievič (lidar Libieralna-demakratyčnaj partyi), jaki prapanavaŭ za 1.000.000 dołaraŭ ZŠA akazać sadziejańnie kampanii „Havary praŭdu“ pa prasoŭvańni jaje kandydata na vybarach i źniać svaju kandydaturu ŭ jaho padtrymku».

«Kali b ja štości prapanoŭvaŭ, to značna bolš — miljonaŭ 10–20. Heta pieršaje. Druhoje: ja ŭžo ŭsio skazaŭ pra vybary i kali zdymaŭsia, i kali vystupaŭ 18 śniežnia na ŭsich biełaruskich kanałach», — zajaviŭ Hajdukievič.

Pavodle jaho słoŭ, jak čałaviek, jaki dvojčy byŭ kandydatam u prezidenty, jon viedaje pra prezidenckuju kampaniju «značna bolš», čym napisała «SB». «Tamu ja mahu ciapier razam z vami paśmiajacca», — skazaŭ lidar ŁDP.

Jak adznačyŭ Hajdukievič, jon by zapytaŭ «miljonaŭ 10 jak minimum, i toje — nie dla taho, kab dapamahčy kampanii „Havary praŭdu“, a dla taho, kab vykarystać u svaich metach».

8 kastryčnika, tłumačačy matyvy źniaćcia svajoj kandydatury z prezidenckich vybaraŭ, Hajdukievič zajaviŭ, što «vybary ŭ Biełarusi — heta śpiektakl, vyniki jakoha ŭžo daŭno ŭsim viadomyja».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?