Siońnia adbyŭsia pieratrus ŭ kvatery aktyvista «Havary Praŭdu!» Radyjona Biaźludava. Pryjšli da jaho, a dzieviataj ranicy.

«Ja jašče spaŭ, — raskazvaje spadar Biaźludaŭ. — Dźviery adčyniŭ baćka. Jany byli ŭ štackim, pradstavilisia supracoŭnikami Kastryčnickaha RUUS i pradjavili dakumienty na pieratrus. U jakaści paniatych paklikali dvuch maich susiedziaŭ. U pieršym pakoi jany ŭbačyli kamputar, paprasili jaho vyklučyć, paśla čaho apiačatali sistemny błok. Razam z kamputaram kanfiskavali piać šalikaŭ „Za Niaklajeva“, a taksama zbornik jahonych vieršaŭ. Zabrali paru dyskaŭ, ale, naprykład, dyski nie padpisanyja kranać nie stali, zatoje zabrali dysk dla padrychtoŭki da ekzamienu ŭ DAI — ubačyli słova DAI na vokładcy. Kanfiskavali taksama tečku z fota Niaklajeva na vokładcy (pryčym, pustuju), a taksama fłeš-kartu. Pavodzili jany siabie kulturna, naprykład, u šafach, u jakich šmat čaho lažała šukać ničoha nie stali, spytaŭšy, ci jość tam što-niebudź ahitacyjnaje. Kali ja adkazaŭ, što niama, adzin z supracoŭnikaŭ skazaŭ, što „pakul mnie vieryć“. Usiaho kanfiskavali rečaŭ na 9 punktaŭ u pratakole i skazali, što aznajomiacca sa źmiestam kamputara i buduć vyklikać na dopyt. Syšli la dziesiaci — pieratrus doŭžyŭsia pryblizna hadzinu».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?