Čysty adtok kapitału z Rasii pa vynikach 2010 hoda skłaŭ $38,3 młrd

Čysty adtok kapitału z Rasii pa vynikach 2010 hoda skłaŭ 38,3 miljarda dalaraŭ, našmat pierasiahnuŭšy prahnozy ŭrada.

Pra heta havorycca ŭ aficyjnym pres-relizie Centrabanka.

Bolšaja častka adtoku prypała na pieršy kvartał 2010 hoda i na apošni. U pačatku hoda z Rasii było vyvieziena 14,7 miljarda dalaraŭ, a ŭ kancy — 22,7 miljarda. Bolšaja častka z hetaj sumy prypała nie na banki, a na «inšyja siektary» (u statystycy CB dadzienyja pa adtoku/prytoku kapitału padzielenyja tolki na dva siektary).

Uletku čynoŭniki mierkavali, što adtok kapitału z Rasii pa vynikach hoda składzie dziesiać miljardaŭ dalaraŭ. Zatym u CB adznaka była padniataja da 22 miljardaŭ.

Apošni raz čysty prytok kapitału byŭ zafiksavany ŭ Rasii pa vynikach 2007 hoda, tady jon skłaŭ 81,7 miljarda dalaraŭ. U kryzisny 2008 hod z krainy «vyciekła» 133,9 miljarda dalaraŭ, a ŭ 2009-m — 56,9 miljarda.

afn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH