Prajekt rezalucyi pa prezydenckich vybarach u Biełarusi, jaki buduć abmiarkoŭvać u paniadziełak u Eŭraparlamencie, utrymlivaje biesprecedentna žorstkija sankcyi ŭ adnosinach da Alaksandra Łukašenki i biełaruskich čynoŭnikaŭ,zajaviŭ siońnia hałoŭny redaktar «Novoj haziety» Dźmitry Murataŭ.
Muratava cytuje ahienctva RIA «Novosti»:
«U bližejšy paniadziełak na plenarnym pasiedžańni Eŭraparlamentu, jakoje adbudziecca ŭ Strasbury, budzie abmierkavany prajekt rezalucyi. Ja viedaju, chto rychtavaŭ hety prajekt, ja sustrakaŭsia z hrupaj deputataŭ parlamientu. U im źmiaščajecca patrabavańnie samych žorstkich, biesprecedentnych dla Eŭraparlamientu sankcyj adnosna Łukašenki i jaho čynoŭnikaŭ», — skazaŭ Murataŭ.
Pavodle jaho słovaŭ, Eŭraparlament patrabuje vyzvalić palityčnych viaźniaŭ. Taksama adnym z punktaŭ rezalucyi moža być patrabavańnie pravieści ŭ respublicy paŭtornyja vybary.
«Adnačasova z hetym — pasłableńnie vizavaha režymu dla inšych hramadzian Biełarusi, spraščeńnie, mahčymaja admiena vizavych pošlin, a taksama pradastaŭleńnie miescaŭ u eŭrapiejskich universytetach tym studentam, jakija pa palityčnych matyvach vyklučanyja ź biełaruskich VNU», — paviedamiŭ hałoŭny redaktar «Novaj haziety».
