Eks-kandydat u prezydenty Jarasłaŭ Ramančuk prakamentavaŭ artykuł «Za kulisami adnoj zmovy», jaki nadrukavała aficyjnaja hazeta «Sovietskaja Biełoruśsija» 14 studzienia.

Pra palityka tam skazana: «Ja. Ramančuk atrymaŭ kala 150–200 tysiač dalaraŭ ZŠA ad IRI na praviadzieńnie lakalnych akcyj, paśla čaho źjechaŭ u Niamieččynu i ZŠA dla atrymańnia dadatkovaha finansavańnia». Voś što skazaŭ Jarasłaŭ Ramančuk «Svabodzie» adnosna samoha artykuła i taho, što ŭ im skazana na jahony adras.

«Heta mnie nahadvaje raman Dena Braŭna „Kod da Vinčy“ — heta taki biełaruski „Kod da Vinčy“, jaki napisany biełaruskimi nieviadomymi piśmieńnikami dziela taho, kab pryciahnuć uvahu ŭłady da demakratyčnaj tematyki, da tych padziej, jakija byli 19 śniežnia. Tamu heta składana kamentavać. Što da hrošaj, to ja b sam chacieŭ, kab takija hrošy ŭ mianie byli, ale, na žal, takoha nie było. A tyja pošuki, jakija vialisia, heta byli nia pošuki hrošaj, a tłumačeńnie sytuacyi, taho, što adbyvajecca ŭ Biełarusi, jakaja pazycyja Abjadnanaj hramadzianskaj partyi i maja asabistaja ŭ toj palityčny momant. Na žal, u nas nie było tych krynicaŭ finansavańnia, pra jakija piša nieviadomy aŭtar».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?