Miniust vyjaviŭ šerah ŚMI, jakija «skažajuć pradstaŭlenuju advakatami aryštavanych kandydataŭ infarmacyju».
«U apošni čas u asobnych srodkach masavaj infarmacyi sa spasyłkaj na advakataŭ źjavilisia publikacyi, u jakich u skažonym śviatle padajecca infarmacyja ab realizacyi padabaronnymi pravoŭ na jurydyčnuju dapamohu, tendencyjna aceńvajecca praca pravaachoŭnych orhanaŭ krainy», — havorycca na sajcie Miniustu. — «Praviedzieny Ministerstvam justycyi analiz pracy kankretnych advakataŭ śviedčyć, što ŚMI hruba skažajuć pradstaŭlenuju advakatami infarmacyju, tendencyjna padajuć infarmacyju, naŭmysna jaje skažajučy, farmujučy ŭ hramadstvie niehatyŭnaje staŭleńnie da orhanaŭ dziaržaŭnaj ułady i pravaachoŭnaj sistemy. Pry hetym, niekatoryja advakaty naohuł admaŭlajuć fakty znosin z žurnalistami pa pytańniach ažyćciaŭleńnia abarony i nakiravali adpaviednyja abviaržeńni ŭ ŚMI».
Pavodle Miniusta, hetaja situacyja była razhledžanaja na pasiadžeńniach prezidyumaŭ Respublikanskaj i Minskaj haradskoj kalehij advakataŭ. Vynikam abmierkavańnia stała asudžeńnie tendencyjnaj infarmacyi ŭ ŚMI.
Dalejšy los ŚMI, što publikavali infarmacyju advakataŭ, vyrašyć Ministerstva infarmacyi, jakoje pa fakcie parušeńnia asobnymi ŚMI Zakona Respubliki Biełaruś «Ab srodkach masavaj infarmacyi» atrymała adpaviednaje pradstaŭleńnie ad Ministerstva justycyi.
Nahadajem, što ŭ šerahu redakcyj niezaležnych ŚMI paśla padziej 19 śniežnia prajšli pieratrusy. Z ofisaŭ «Jeŭrapiejskaha radyjo dla Biełarusi», «Našaj Nivy», «Borisovskich novostiej» była vyniesienaja arhtechnika. Taksama arhtechniku apisali ŭ šerahu niezaležnych žurnalistaŭ i redaktaraŭ vydańniaŭ. 11 studzienia Respublikanskaja kamisija pa telebačańni i radyjoviaščańni anulavała prava
