Biełaruskaje telebačańnie daŭno viadomaje svaimi mistyfikacyjami.Asabliva režysiory i apieratary BT ščyrujuć u pieryjady palityčnych kampanij u krainie, kali treba čarhovy raz zapeŭnić biełarusaŭ u niadobrych namierach apazicyi i pakazać, što tolki dziakujučy mocnaj ŭładzie Łukašenki siniavokaja respublika moža achoŭvać son svaich hramadzian.
Prezidenckaja kampanija 2010 hodu nie stała vyklučeńniem. Z toj roźnicaj, što ščyravać režysiory BT pačali ŭžo paśla vybaraŭ, starajučysia apraŭdać žorstki razhon mirnaj demanstracyi.
9 studzienia, u niadzielny
Adnym z najbolš vostrych epizodaŭ filma BT stała vykryćcio kanału pastaŭki zbroi i bojeprypasaŭ u Miensk z Rasii. Pa siužecie filma, biełaruskija śpiecsłužby spyniajuć na miažy hrupu rasijskich hramadzian, jakija viazuć u Miensk hranaty i traciłavyja šaški. Paśla hetaha łancužok vyvodzić supracoŭnikaŭ KDB na skład z bojeprypasami ŭ mienskaj Malinaŭcy.
Rolu składa vykonvaje zvyčajny haraž, u jakim ludzi ŭ pahonach znachodziać skryni z patronami, traciłavymi šaškami, niekalki aŭtamataŭAKSU i navat hranatamiot. Vypadak dla Biełarusi prosta ŭnikalny.
Nikoli biełaruskaja apazicyja nie brałasia za zbroju. Heta jaje lidary źnikali bieź viestak, druhich źbivali da paŭśmierci.
Paśla vychadu filma «Płošča. Žielezom po stiekłu» z redakcyjaj «Našaj Nivy» źviazaŭsia čałaviek, jaki paznaŭ na kadrach BT svoj haražny kaapieratyŭ. Akazałasia, što «skład z bojeprypasami» znachodziŭsia praź niekalki haražoŭ ad haraža čytača haziety.
«Hladžu ja hetaje kino, i tut raptam bac — niešta znajomaje», — raskazaŭ nam Uładzimir.
Kadr ź filma «Płošča. Žielezom po stiekłu».
Zdymak, zrobleny na tym samym miescy karespandentam «NN».
Kadr ź filma «Płošča. Žielezom po stiekłu». Źviarnicie uvahu, što naviasnoha zamka na pieršych ad levaha boku dźviarach jašče niama, choć śnieh pierad imi niekranuty.
Zdymak, zrobleny na tym samym miescy karespandentam «NN».
Momant razrazańnia naviasnoha zamka. Kadr ź filma «Płošča. Žielezom po stiekłu».
Dźviery taho samaha «składu bojeprypasaŭ». Vuški dla zamka možna paznać pa charakternych kropačkach.
Na vyhlad — zvyčajny haraž.
A voś što tut, pa viersii BT, znajšli śpiecsłužby.
Nu i što jašče mianie ździviła — dyk heta naviasny zamok, jaki ŭ filmie tak pryhoža kusačkami pierakusvajuć. U nas tut nikoli takich zamkoŭ nie było. Usie unutranymi karystajucca»,— raspavioŭ Uładzimir karespandentu «NN» niepasredna la «składa».
Z zamkom asobnaja historyja. Na kadrach ź filmu BT vyrazna bačna, što jaho tam spačatku niama (fota numar 3 na słajdšoŭ «NN», treci haraž ad boku MKAD), a potym jaho pačynajuć zrazać (fota 5 u słajdšoŭ).
Uvohule pytańniaŭ uźnikaje šmat. Surazmoŭca «Našaj Nivy» šmat hadoŭ žyvie ŭ hetym rajonie i stolki ž vałodaje haražom. Čamuści, paśla vykryćcia cełaha składu bojeprypasaŭ, supracoŭniki śpiecsłužb nie tolki nie raspytali ŭładalnikaŭ susiednich haražoŭ, ale navat nie apiačatali haraž, dzie byli znojdzienyja aŭtamaty, patrony, vybuchoŭka i hranatamiot.
«Nichto da mianie nie prychodziŭ, ni ab čym nie raspytvaŭ. Jak tak moža być?», — ździŭlajecca Uładzimir.
Toje samaje ździŭleńnie i ŭ administracyi haražnaha kaapieratyva. U telefonnaj razmovie karespandentu «NN» skazali, što nie razumiejuć ab čym havorka, a filmu BT navat nie hladzieli.
Historyja z haražom ŭ Malinaŭcy, poŭnym zbroi, nasamreč dziŭnaja. Asabliva kali ŭličyć, što tajamničyja rasijskija kurjery, zatrymanyja na miažy ź Biełaruśsiu jašče 15 śniežnia minułaha hodu, čamuści nie abjavilisia ni ŭ Amierykancy, ni ŭ Vaładarcy.
«U susiednim z maim padjeździe niechta z betešnikaŭ žyvie. Ja časam baču, jak słužbovy aŭtamabil z łahatypam telekampanii zajazdžaje za niekim. Mahčyma, tut i kryjecca razhadka tajamničaha «składu z bojeprypasami?», — raspavioŭ «NN» Uładzimir.
