Łukašenku, jahonym synam i 155 čynoŭnikam zabaronieny ŭjezd u Jeŭrasajuz. Adnačasova zamarožanyja ich rachunki na Zachadzie. Što da ekanamičnych sankcyj, to jany zastajucca apošnim arhumientam na vypadak žorstkaj raspravy nad palitviaźniami.
Rada ministraŭ zamiežnych spraŭ krain Jeŭrasajuza na pasiadžeńni ŭ Brusieli 31 studzienia pryniała palityčnaje rašeńnie ab reakcyi ES na situacyju ŭ Biełarusi.
Ministry zamiežnych spraŭ ES zaćvierdzili śpis biełaruskich čynoŭnikaŭ, adkaznych za parušeńni pravoŭ čałavieka padčas prezidenckaj kampanii. Hetym asobam zabaroniena naviedvać terytoryju ES, a ich rachunki i majomaść u krainach Jeŭrasajuza buduć zamarožany.
U śpis trapili 158 čynoŭnikaŭ. U ich liku — Alaksandr Łukašenka i jaho syny Viktar i Dźmitryj, viečna junaja kiraŭnica CVK Lidzija Jarmošyna, ministr abarony Juryj Žadobin, kiraŭnik Rady biaśpieki Leanid Malcaŭ, kiraŭnik KDB Vadzim Zajcaŭ, kiraŭnik Administracyi prezidenta Uładzimir Makiej, hienprakuror Ryhor Vasilevič, śpikier nižniaj pałaty parłamienta Uładzimir Andrejčanka, 24 staršyni terytaryjalnych vybarčych kamisij, 30 sudździaŭ i 10 žurnalistaŭ dziaržaŭnych ŚMI. Karaciej, i žuk i žaba i rak z klašnioju.
U pryniatym rašeńni zaznačajecca, što śpis biełaruskich čynoŭnikaŭ, jakim zabaronieny ŭjezd u ES, źjaŭlajecca adkrytym i moža być pierahledžany.
Ministr zamiežnych spraŭ Martynaŭ i
najaŭnaść siarod ich Siamaški dazvolić razmaŭlać pa pytańniach enierhietyčnaha supracoŭnictva i dyviersifikacyi krynic pastavak enerhanośbitaŭ u Biełaruś.
Čakajecca, što adnačasova z rašeńniem Jeŭrasajuza sankcyi ŭ dačynieńni da aficyjnaha Minska ŭviaduć ZŠA. Vašynhton pojdzie dalej — jon adnović sankcyi suprać «Biełnaftachima», jakija małaznačnyja ekanamična, ale simvalična balučyja.
U toj ža čas Jeŭrasajuz nie pryniaŭ nijakich adkrytych ekanamičnych sankcyj. Niefarmalnyja abmiežavańni na ekanamičnyja kantakty z režymam buduć, ale adsutnaść farmalnych sankcyj nie dazvolić łukašenkaŭcam zvalić na jeŭrapiejcaŭ ułasnyja ekanamičnyja ciažkaści.
Varta adznačyć, što za apošnija dva hady Jeŭrasajuz uvodziŭ sankcyi suprać Irana, Zimbabve, Kot dJIvuara, Habona.
Biełaruś akazałasia ŭ niedastojnaj kampanii karumpavanych i fanatyčnych režymaŭ.
Toje, što sankcyi buduć uviedzienyja niepaźbiežna, było jasna davoli daŭno. Ad pačatku było jasna i toje, što ekanamičnyja sankcyi nie razhladajucca jak realny varyjant. Reč u tym, što ŭ Jeŭropu Biełaruś pastaŭlaje amal vyklučna naftapradukty, i jany pastaŭlalisia b i dalej, u vypadku ŭviadzieńnia sankcyj, tolki pad rasijskimi dakumientami, što pavialičvała b zaležnaść Biełarusi ad Maskvy.
Prapanova Polščy i Šviecyi zamarozić supracoŭnictva ź Biełaruśsiu nie była padtrymanaja.
Adnak djabał chavajecca ŭ detalach. Treba dačakacca kančatkovaha tekstu rašeńnia, kab acanić, što ŭ sankcyjach jość ułasna novaha.
Staršynia Centrvybarkama Lidzija Jarmošyna zreahavała na viestku z Brusela isteryčna: «Heta rasstrelnyja śpisy.Kali na akupavanaj terytoryi z nasielnictvam raspraŭlajucca, to spačatku vyznačajuć — pacierpić stolki i stolki čałaviek. A paśla my vyznačymsia piersanalna. Jany mohuć zrabić usio što zaŭhodna. Heta ništo inšaje, jak zvyčajnaja rasprava. Jana nie maje ničoha supolnaha ź piersanalnaj vinoju ludziej».
Z boku madam Jarmošynaj heta, chutčej, asabistaja reakcyja. Ale i kiraŭnik dziaržavy, i ŭsia prapahandysckaja mašyna z zaŭvažnaj niervoznaściu rychtavalisia da aplavuchi z Brusela.
Łukašenka haračyŭsia asabista: «Kali
Reakcyi na sami sankcyi z boku Łukašenki siońnia pakul nie było. MZS ža paabiacaŭ pryniać «adekvatnyja i praparcyjnyja miery». Napeŭna, zabaroniać ujezd u Biełaruś brytanskaj karalevie.
U kožnym razie, niervovaja reakcyja kiraŭnika dziaržavy śviedčyła pra toje, što ŭłada ŭsio ž była zaniepakojena. Navat nie samim faktam, što łukašenkaŭcaŭ buduć ihnaravać. Sankcyi — heta tolki viaršynia ajśbierha. Našmat bolš niepryjemnaściaŭ budzie ad niefarmalnaha cisku. Łukašenkaŭcam niama jak spadziavacca na palityku spryjańnia. Ich nie čakajuć vyhadnyja kantrakty i tannyja kredyty. Ad siońnia Łukašenka dla jeŭrapiejcaŭ nie isnuje.
Jak vykazaŭsia ŭ Bruseli ministr zamiežnych spraŭ Luksiemburha: «Spadar Łukašenka całkam siabie zdyskredytavaŭ».Uskosnyja nastupstvy ŭviadzieńnia sankcyj buduć našmat bolš istotnymi, čym sami sankcyi.
Što da ekanamičnych sankcyj, to ich pakinuli ŭ zapasie. Ich uviadzieńnia možna budzie čakać u vypadku žorstkaj raspravy nad palitviaźniami, jakija zastajucca ŭ minskich turmach. Ministry daručyli Jeŭrakamisii (h.zn. uradu Jeŭrasajuza) «nazirać za situacyjaj ŭ Biełarusi». Kiraŭniki jeŭrapiejskich MZS zaznačyli, što mohuć viarnucca da pytańnia ekanamičnych sankcyj suprać Biełarusi ŭ vypadku rezkaha ŭzmacnieńnia represij u krainie.
Nahadajem, što kolkaść abvinavačanych i padazravanych pa spravie ab «biesparadkach» dasiahnuła 54 čałaviek. Heta najbujniejšy palityčny praces u historyi łukašenkaŭskaj dyktatury.
