Ź dziŭnaj situacyjaj sutyknulisia kiroŭcy, jakija vyrašyli abmianiać svaje paśviedčańni ŭ adździaleńni DAI h. Minska pa adrasie Cimirazieva, 114. Aproč dvuch abaviazkovych płaciažoŭ na ahulnuju sumu 21 700 rubloŭ za paśviedčańnie, tałon i kampjutarnyja pasłuhi, ź ich
źbirajuć dadatkovyja 15 tysiač rubloŭ — za «afarmleńnie zajavy».Zajava — dakumient farmatu A4, u jaki pierapisvajecca infarmacyja z pašpartu i inšych dakumientaŭ.
U astatnich adździaleńniach DAI (haradskim na praśpiekcie Dziaržynskaha i abłasnym na vulicy Kalvaryjskaj) dadatkovyja hrošy nie źbirajucca. Čym vyklikana takaja dyskryminacyja? U
Dziaržaŭtainśpiekcyja nie maje dačynieńnia da zboru dadatkovych hrošaj: «Takuju pasłuhu akazvaje ŭłaśnik pamiaškańnia, u jakoha aranduje pamiaškańnie DAI».
Ale płacić dadatkovyja 15 tysiač nieabaviazkova. Ukaz N200 kiraŭnika dziaržavy zaćviardžaje śpis administratyŭnych pracedur, jakija ažyćciaŭlajucca dziaržaŭnymi orhanami ci inšymi arhanizacyjami pa zajavach hramadzian. Dla abmienu paśviedčańnia kiroŭcy patrabujecca apłata 0,5 bazavaj vieličyni za vydaču paśviedčańnia, 0,08 — za afarmleńnie zajavy, 0,04 — za kampjutarnyja pasłuhi.
Ažyćciaŭleńnie dziaržaŭnymi orhanami i inšymi arhanizacyjami pa zajavach hramadzian administracyjnych pracedur, nie praduhledžanych śpisam, nie dapuskajecca.Jakraz u hetym punkcie viadziecca havorka pra dadatkovyja 15 tysiač rubloŭ.
Na sajcie Onliner.by pryvodzicca raspovied hramadzianina, jaki zapatrabavaŭ ad supracoŭnikaŭ DAI afarmleńnia jahonaj rukapisnaj zajavy. Tyja byli vymušanyja biaspłatna nadrukavać zajavu i zapoŭnić usie nieabchodnyja radki.
«Kali nichto nie budzie płacić pa 15 tysiač, ja tut pracavać nie budu!», —pryznałasia supracoŭnica DAI.
Pryblizny ŭzor zajavy pryvodzicca tut. U joj varta dapisać svajo imia i proźvišča
