Adrazu čatyry novyja abvinavačanyja pa spravie ab masavych biesparadkach 3

Abvinavačańnie pavodle častki 1 i častki 2 artykuła 293 Kryminalnaha kodeksa RB(aktyŭny ŭdzieł u masavych biesparadkach) pradjaŭlenaje adrazu čatyrom udzielnikam Płoščy: Alesiu Kirkieviču, Źmicieru Drazdu, Siarhieju Kazakovu i Uładzimiru Jaromienku.

Haradzienskamu «maładafrontaŭcu» Alesiu Kirkieviču, jaki źmieščany ŭ SIZA KDB u jakaści padazravanaha pa kryminalnaj spravie ab masavych biesparadkach, pradjaŭlenaje abvinavačańnie pavodle 2 častki artykuła 293 Kryminalnaha kodeksa RB(aktyŭny ŭdzieł u masavych biesparadkach).

Drozd Dźmitryj — siabra inicyjatyŭnaj hrupy A. Sańnikava, adbyŭ 10-sutačny aryšt za ŭdzieł u akcyi pratestu, 1 lutaha ŭziaty pad vartu na 3 sutak u jakaści padazravanaha pa č.2 art. 293 KK (udzieł u masavych biesparadkach) — utrymlivaŭsia ŭ IČU n vuł. Akreścina. Zaraz pieraviedzieny ŭ SIZA na Vaładarku.

Kazakoŭ Siarhiej — aktyvist «Jeŭrapieskaj Biełarusi», 27 studzienia zatrymany ŭ jakaści padazravanaha pa kryminalnaj spravie ab masavych biesparadkach (pad vartaj u SIZA na vuł. Vaładarskaha)

Jaromienak Uładzimir — aktyvist «Maładoha Frontu», adbyŭ 15-sutačny aryšt za ŭdzieł u akcyi salidarnaści 20 śniežnia, jašče 7 sutak pravioŭ u IČU na vuł. Akreścina paśla dopytu ŭ KDB u jakaści śviedki pa kryminalnaj spravie ab masavych biesparadkach, 28 studzienia stała viadoma, što jon zatrymany ŭ jakaści padazravanaha pa dadzienaj spravie (pad vartaj u SIZA KDB).

spring96.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH