Sienatar ZŠA, respublikaniec Džon Makkiejn, jaki znachodzicca ź vizitam u Litvie, zajaviŭ, što moža acharaktaryzavać kiraŭnika Biełarusi Alaksandra Łukašenku jak biaźlitasnaha, brutalnaha tyrana, jaki abraŭ niapravilny bok.
Takoje mierkavańnie sienatar vykazaŭ 4 lutaha na sustrečy sa studentami Jeŭrapiejskaha humanitarnaha ŭniviersiteta, jakaja prajšła ŭ parłamiencie Litvy, pieradaje DELFI.
«Adnym z vašych pytańniaŭ było pytańnie, što my dumajem pra Łukašenku. Ja dumaju, što jon biaźlitasny, žorstki, brutalny tyran, jaki nasamreč nie na tym baku historyi. Rana ci pozna, ja dumaju, biełarusy zmohuć skarystać asnovatvornyja pravy, jakija harantujucca naturalnym čynam usim. Padziei, jakija my nazirajem na Blizkim Uschodzie, da prykładu, u Jehipcie, inšych krainach śvietu, vielmi niebiaśpiečnyja, ale jany taksama pakazvajuć, što nivodnaja dziaržava nie moža vystajać, kali nie daje hramadzianam asnovatvornych pravoŭ», — adkazaŭ Makkiejn na pytańnie adnaho sa studentaŭ.
Respublikaniec Makkiejn i jaho kaleha demakrat Džozief Libierman uznačalvajuć delehacyju siabroŭ Kanhresu ZŠA. U Litvie jany mieli hutarku z prezidentam Dalaj Hrybaŭskajcie, sustrelisia sa studentami EHU i pradstaŭnikami biełaruskaj apazicyi.
