«Amieryka, byvaj! Viartajusia dachaty!»—
Tvoj hołas, niby čajka biełaja, lacić
Nad pienaj chval, što niby dym vajny kudłaty
Viruje za taboj, kab ty nie zmoh lubić
Vajnu, jakaja nie za volu i nie za Ajčynu,
Nie za luboŭ... I viedaj, što paŭstańniu być,
Bo nielha bolej žyć tak, kab tvaju radzinu
Čužak niavoliŭ, prymušaŭ svajo zabyć.
Dy nie zabyć svajo! Jano svajo ad Boha,
Jak lubaja ziamla, jak mova, jak kryžy,
Jak hetaja tvaja damoŭ praź śviet daroha
Samotnaja, jak vosieńniu štodnia daždžy...
I zaŭtra vierniešsia ty ŭ rodnyja pienaty,
Pryhožy, hienierał i ŭsio šče małady.
I buduć pośpiechi ŭ ciabie i buduć straty,
I ŭsio zabudziecca na zmročnyja hady
U rodnym krai, kab paśla iznoŭ uspomnić
Ciabie nam nie čužoha pa kryvi, dušy,
I volnaj Biełarusi załatyja promni
Zaźziajucca ćvikami i ŭ tvaim kryžy...
17.07. 2008
***
4 lutaha 2011 h. adznačajucca 265-ja ŭhodki z dnia naradžeńnia Andreja Tadevuša Banavientury Kaściuški.
