Archivista Źmitra Drazda vinavaciać u «arhanizacyi masavych biesparadkaŭ», jamu pahražaje da 15 hadoŭ pazbaŭleńnia voli. Sud nad im raspačaŭsia siońnia ŭ sudzie Kastryčnickaha rajona Minska. Nabyvajma jaho knihu, kab finansava padtrymać rodnych Źmitra.

 Źmicier Drozd vyhladaje na łavie padsudnych vielmi zmučanym.

Źmicier Drozd vyhladaje na łavie padsudnych vielmi zmučanym.

Pračytaŭšy ŭ «NN» artykuł «Archivist u turmie», zhadała svaje karotkija sustrečy sa Źmitrom Drazdom. Paznajomilisia my na hlebie ahulnaha zachapleńnia składańniem asabistaha radavodu.

Spačatku zaŭvažyła jaho na hienieałahičnym forumie ŭ siecivie: vielmi ŭžo słušnyja parady jon davaŭ pačatkoŭcam. Potym, adnojčy ŭbačyŭšy ŭ čytalnaj zale archiva, nie zmahła paźbiehnuć spakusy — padyšła znajomicca pieršaj.

Kali pracuješ z składańniem radavodu samastojna, vielmi chočacca padzialicca z kimści svaimi znachodkami, a čaściej, kali traplaješ u tupik, razam pašukać ź jaho vyjścia. Źmicier nikoli nie admaŭlaŭ mnie ŭ dapamozie. Chłopiec jon vielmi razumny, sa śvietłaj hałavoj, i adkaz na svajo pytańnie ja zaŭsiody čuła, navat nie paśpieŭšy jaho jak śled sfarmulavać. A ŭ dadatak — jašče tuzin roznych idej, jakija spryjajuć dalejšamu pošuku. Byvała, što najkaštoŭniejšyja idei sypalisia «ŭ skarbonku» čałavieka, ź jakim Źmicier paznajomiŭsia paŭchviliny tamu.

Razumny, talenavity (akramia zachapleńnia historyjaj i hienieałohijaj, piša vieršy, s zachapleńniem zajmajecca fatahrafijaj), z adkrytaj dušoju, ulubiony ŭ svoj rodny kraj — dziaržava pavinna była hanarycca takim hramadzianinam. Pa-dobramu zajzdrošču jahonaj maci, jakaja zdoleła vyhadavać takoha syna.

Kali ja pačuła pra toje, što Źmicier vydaŭ daviednik «Ziemleŭłaśniki Minskaj hubiernii 1861 — 1900» , paradavałasia za jaho, ale kuplać daviednik nie źbirałasia. Mnie zdavałasia, kali prodki maje nie byli bujnymi ziemleŭłaśnikami, mnie hetaja kniha naŭrad ci spatrebicca. Ale, razharnušy knihu i ŭbačyŭšy nievierahodny abjom źmieščanaj tam infarmacyi, zrazumieła, što bieź jaje mnie nie abyścisia. Pakolki «ničyjnaj» ziamli ŭ tyja časy nie było — ŭsia jana kamuści naležała — tak ci inakš losy maich prodkaŭ byli źviazanyja z historyjaj majontkaŭ i losami ich uładalnikaŭ. Kniha Źmitra nie padmanuła spadziavańniaŭ: jana stała dla mianie nieabchodnym daviednikam pa składańni radavodu: ruka maja štodzionna raz-poraz ciahniecca da palički z «Daviednikam…», dzie čakajuć hatovyja adkazy na maje pytańni.

Źmicier vydaŭ knihu za ŭłasny košt i paśpieŭ realizavać tolki častku nievialikaha (usiaho 300 asobnikaŭ) nakładu. Zaraz hetym vymušana zajmacca jaho maci —

siamja sa ścipłymi prybytkami apynułasia ŭ ciažkim materyjalnym stanoviščy paśla aryštu Źmitra.

Infarmacyja dla tych, chto zacikaviŭsia knihaj Źmitra Drazda ci choča dapamahčy jaho maci:

nabyć «Daviednik…» možna ŭ mahazinie «Akademkniha» (pr. Niezaležnaści, 72).

Mahčyma taksama źviarnucca niepasredna da siamji Źmitra Drazda praź internet-sajt VGD.RU i asabisty sajt Źmitra.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?