I tym samym buduć zadobrany rasijcy.

Navinu ab pazovie Mininfarmacyi ŭ Vyšejšy haspadarčy sud Biełarusi ab spynieńni vypusku haziet «Naša Niva» i «Narodnaja Vola» kamientuje redaktar časopisa «ARCHE» Valer Bułhakaŭ.

Sp. Bułhakaŭ źviazvaje heta ź niadaŭniaj historyjaj abodvuch vydańniaŭ: viartańniem u 2008 hodzie «Narodnaj Voli» i «Našaj Nivy» ŭ dziaržaŭnuju sistemu raspaŭsiudu. Na jaho dumku, tady rašeńnie było pryniata nie biez udziełu Alaksandra Łukšenki. I ciapier naviersie toje rašeńnie pryznali niaŭdałym.

Bo dalejšy vychad abodvuch vydańniaŭ stavić pad sumnieŭ isnavańnie dyktatury ŭ krainie.

«Naša Niva» i «Narodnaja Vola» stali hałasami hramadzianskaj supolnaści. Aśviatleńnie padziej 19 śniežnia i 11 krasavika hetymi ŚMI pakazała, što jany vyklikajuć davier u ludziej, da ich prysłuchoŭvajecca vialikaja aŭdytoryja», — adznačaje Valeryj Bułhakaŭ.

Jon nazyvaje jašče i prarasijski faktar, jaki moža mieć miesca ŭ hetaj situacyi. Učarašniaj zajavaj, kali Łukašenka nazvaŭ kazłom Žaze Manueła Barozu, a Viktara Janukoviča abvinavaciŭ u vašyvaści, jon choča zadobryć rasijcaŭ. Maŭlaŭ, zachodni viektar budzie źniščany całkam.

Sp. Bułhakaŭ nahadvaje, što čutki ab zakryćci haziet pačali cyrkulavać adrazu paśla vybuchu ŭ minskim mietro 11 krasavika. Ale ahučvańnie takoha rašeńnia adciahvałasia da bolš zručnaha momantu.

«Mahčyma, heta nie adzinyja straty, jakija moža panieści biełaruskaja miedyjasupolnaść. Chodzić pahałoska, što Uładzimira Narkieviča na pasadzie redaktara «Źviazdy» maje zamianić adyjozny Vadzim Hihin».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?