Try členy bryhady mularaŭ chadajničajuć pierad kiraŭnictvam mahiloŭskaha pradpryjemstva «Pramžyłbud» ab praciahu pracoŭnaha kantrakta z vysokakvalifikavanym mularam 5-ha razradu Alaksiejem Paŭłoŭskim.

Nahadajem, kiraŭnictva AAT «Pramžyłbud» prainfarmavała Paŭłoŭskaha ab spynieńni ź im pracoŭnych adnosinaŭ z 10 lutaha. Bryhada mularaŭ z 15 čałaviek, u jakoj pracuje Paŭłoŭski, 9 studzienia zapatrabavała pradoŭžyć ź im kantrakt. Pry hetym budaŭniki zajavili ab vychadzie z prafsajuza i pryhrazili zvolnicca sami. Praź niejki čas usie jany admovilisia ad hetych pahroz i navat adklikali svaje podpisy pad adpaviednym zvarotam da kiraŭnictva.

Na siońnia try čałavieki napisali chadajnictva da administracyi, kab Paŭłoŭskaha pakinuli na pracy,
paviedamiŭ BiełaPAN adzin z padpisantaŭ Jaŭhien, jaki paprasiŭ nie nazyvać jaho proźvišča. Jon padkreśliŭ, što minułaja zajava nie była padpisana «ŭ vyniku padmanu».

Pavodle jaho słoŭ, z aficyjnaha prafsajuza vyjšli dva čałavieki, jakija pracujuć u ich bryhadzie. Što tyčycca bryhadzira Alaksandra Śpirydonava, to jon zaraz znachodzicca ŭ adpačynku. Jak śćviardžaje Paŭłoŭski, Śpirydonaŭ zaraz — u Sankt-Pieciarburhu.

U cełym jon daje stanoŭčuju acenku padziejam, źviazanym z pracoŭnym kanfliktam z kiraŭnictvam pradpryjemstva, niahledziačy na nieminučaje zvalnienie. «Mienavita salidarnaściu možna zmahacca z kantraktnaj sistemaj i samavolstvam najmalnikaŭ. My pravilna idziem u hetym płanie», — zajaviŭ Paŭłoŭski. Pavodle jaho słoŭ, na budoŭlach «Pramžyłbuda» ŭžo «pačali stvarać narmalnyja ŭmovy dla pracy, pačali bytoŭki abstaloŭvać».

Hladzi taksama: Mahiloŭskija mulary ŭzbuntavalisia — videa
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?