Śpikier Dziarždumy RF Siarhiej Naryškin ličyć nieabchodnym sfarmiravać Jeŭrazijski parłamient «dla pahłybleńnia intehracyi na šlachu da stvareńnia Jeŭrazijskaha sajuza». Pra heta jon zajaviŭ žurnalistam 22 lutaha ŭ Sankt-Pieciarburhu.

«Za apošnija hady raźvivałasia mnohaje — mihracyjnyja pracesy, Mytny sajuz, Adzinaja ekanamičnaja prastora. My zrabili pryncypova važny krok na šlachu budaŭnictva Jeŭrazijskaha sajuza. Nam spatrebicca ahulnaje prazrystaje i zrazumiełaje ekanamičnaje zakanadaŭstva. Užo farmirujucca jeŭrazijskija nadnacyjanalnyja orhany, stvorana Jeŭrazijskaja ekanamičnaja kamisija, stvarajucca inšyja instytuty. Ale hetyja struktury nie mohuć i nie pavinny vyrašać parłamienckija zadačy. Na paradku dnia staić pytańnie farmiravańnia Jeŭrazijskaha parłamienta», — skazaŭ Naryškin.

Jak adznačyŭ śpikier Dziarždumy, «upieršyniu za 20 hadoŭ uźnikaje situacyja, kali rola parłamienckaj składalnaj intehracyi nadta vialikaja, i vielmi nieabchodna abmierkavać z pradstaŭnikami Biełarusi i Kazachstana dalejšyja dziejańni pa vyrašeńni ahulnych zadač».

Nahadajem, 1 studzienia 2012 hoda na prastory troch krain — udzielnic Mytnaha sajuza — Biełarusi, Kazachstana i Rasii — pačała funkcyjanavać Adzinaja ekanamičnaja prastora (AEP). Miarkujecca, što ŭnutry AEP budzie zabiaśpiečana svabodnaje pieramiaščeńnie tavaraŭ, pasłuh i kapitałaŭ cieraź dziaržaŭnyja miežy krain-udzielnic. Praduhledžvajecca, što Mytny sajuz i AEP stanuć asnovaj dla farmiravańnia ŭ pierśpiektyvie novaha miždziaržaŭnaha ŭtvareńnia — Jeŭrazijskaha sajuza.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?