Hienieralnym dyrektaram infarmacyjnaha ahienctva «Interfaks-Zachad (Biełaruś) pryznačanaja Natalla Krašeŭskaja, raniej zajmała pasadu pieršaj namieśnicy hiendyrektara. Pra heta havorycca ŭ paviedamleńni na sajcie infarmahienctva.

Niaźmienny kiraŭnik «Interfaksa-Zachad» Viačasłaŭ Ziańkovič na praciahu 17 hadoŭ pierajšoŭ na pracu ŭ centralny ofis mižnarodnaj hrupy «Interfaks» u Maskvie,
dzie budzie zajmacca, u pryvatnaści, raźvićciom biźniesu ŭ krainach byłoha SSSR.

«Interfaks-Zachad» faktyčna naležyć da hrupy łukašenkaŭskich ŚMI. Časami ahienctva publikavała nieaficyjnyja materyjały biełaruskich śpiecsłužb, jakija nie traplali ŭ aficyjnaje ahienctva BiełTA. U toj ža čas reparciory ahienctva časta dajuć abjektyŭnyja paviedamleńni ź miesca padziej. Ahienctva, u pryvatnaści, abjektyŭna aśviatlała maŭklivyja akcyi pratestu leta 2011-ha i praces Kanavałava-Kavalova, što vyrazna kantrastavała z prapahandyzmam BiełTA.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?