Pieršaja rakietka śvietu ŭ pieršym raŭndzie była volnaja, a ŭ druhim (1/32 finału) za 1 hadzinu 42 chviliny pieramahła Michaełu Kraičak ź Niderłandaŭ (71) — 6:3, 7:5. Statystyka (dadzienyja protennislive.com): brejk-pojnty — 6/12: 3/6, dvajnyja pamyłki — 6:9, ejsy — 4:4, pracent rozyhryšaŭ paśla pieršaj padačy — 64:40, vyjhryšu pieršaj padačy — 71:58 , druhoj padačy — 40:38. Raniej sapiernicy nie sustrakalisia.

U 1/16 finału Azaranka budzie hulać z 19-hadovaj Chizer Uotsan ź Vialikabrytanii (129), jakaja na starcie turniru ŭziała vierch nad rumynkaj Saranaj Čyrścia (48) — 6:3, 3:6, 7:6 (7:4) , a ŭ druhim — nad češkaj Lučyjaj Šafaravaj (25) — 6:2, 6:1.

Lik asabistych sustreč Azaranka i Uotsan 2:0 na karyść biełaruskaj spartsmienki. Pieršaja pieramoha była ŭ 2010 hodzie, druhaja — u pieršym kole adkrytaha čempijanatu Aŭstralii ŭ hetym hodzie.

Z pačatku siezonu-2012 Azaranka atrymała ŭ adzinočnym razradzie 24 pieramohi zapar (ahulnaja roźnica vyjhranych i prajhranych setaŭ — 48:5, hiejmaŭ — 306:141), staŭšy lepšaj na turnirach u Sidnei, Dosie, Indyjan-Uełsie, a taksama na adkrytym čempijanacie Aŭstralii. Usiaho na jaje rachunku 12 vyjhranych turniraŭ u adzinočnym razradzie. U vaśmi finałach jana sastupiła. Spabornictvy ŭ Majami Azaranka vyjhrała ŭ 2009 i 2011 hadach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?