Hienprakuratura Biełarusi vyniesła papiaredžańnie arhanizataram kancerta hurtu "Leninhrad" pra niedapuščalnaść niecenzurnaj łajanki padčas vystupu ŭ Minsku 18 maja. Sami muzyki pra heta pakul nie viedajuć i nie ŭjaŭlajuć navat mahčymaści abyścisia na kancercie biez łajanki.
«Heta mahčyma ŭ peŭnych vypadkach! — razvažaje pijarščyk hurtu Źmicier Huhučkin. — Naprykład, my vystupali na matčy «Zienit» — «Spartak», ale vykonvali tam tolki čatyry pieśni, jakija admysłova adabrali, kab nie hučała maciukoŭ. Ale adyhrać ceły kancert biez matu nierealna. Dumaju, hetaja ideja naŭrad ci spadabajecca Siarhieju Šnuravu. Pa vialikim rachunku, heta musić być prablemaj arhanizataraŭ. Ź pieśni słovaŭ nie vykinieš, tamu vykonvać pieśni ŭ niejkim pieraroblenym varyjancie — nonsens».
Pijarščyk žartaŭliva dadaje, što vystupić u zvyčajnym farmacie, a potym zapłacić štraf ci sieści na 15 sutak, Siarhieju taksama naŭrad ci spadabajecca. Tamu, kali arhanizatary ŭ bližejšy čas nie znojduć vyjście, to kancert treba budzie admianiać.
