Pranujecca, što pradstaŭlać Biełaruś na kanfierencyi AAN pa ŭstojlivym raźvićci «RYA +20», jakaja adbudziecca ŭ Rya-de-Žaniejra ŭ červieni 2012 hoda, budzie Alaksandr Łukašenka. Pra heta paviedamiŭ 18 maja ŭ Minsku pieršy namieśnik ministra pryrodnych resursaŭ i achovy navakolnaha asiarodździa Vital Kulik pierad pasiadžeńniem kruhłaha stała pa abmierkavańni prajekta nacyjanalnaha paviedamleńni na temu «Ustojlivaje raźvićcio Respubliki Biełaruś na pryncypach „zialonaj“ ekanomiki».

«Zastaŭsia miesiac ź nievialikim da kanfierencyi AAN pa ŭstojlivym raźvićci, — nahadaŭ Kulik. — U Rya-de-Žaniejra źbiarucca lidary dziaržaŭ i ŭradaŭ, z tym kab abmierkavać ruch da ŭstojlivaha raźvićcia i zamacavać kurs na „zialonuju“ ekanomiku. U Biełarusi my taksama sistemna pracujem u hetym kirunku. Jość ŭradavaja kamisija, u jakuju ŭvachodziać pradstaŭniki orhanaŭ dziaržaŭnaha kiravańnia, hramadskich arhanizacyj i abjadnańniaŭ. My rychtujem nacyjanalnaje paviedamleńnie na hetuju kanfierencyju, napracoŭvajem bank dziejańniaŭ krainy pa ŭkaranieńni enierhaźbierahalnych technałohij, technałohij racyjanalnaha vykarystańnia pryrodnych resursaŭ. Hetaja praca nakiravana na bieražlivyja adnosiny da navakolnaha asiarodździa, racyjanalnaje staŭleńnie da resursaŭ…»

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?