Žychar vioski Śvisłač Asipovickaha rajona pryviazaŭ da dreva 11-hadovaje dzicia i nie adpuskaŭ jaho, pakul baćki chłopčyka nie viarnuli 200 tys. rubloŭ doŭhu.

Jak paviedamili va ŭpraŭleńni Śledčaha kamiteta pa Mahiloŭskaj vobłaści, u žniŭni 2011 hoda 14-hadovy padletak, znachodziačysia ŭ haściach u 20-hadovaha raniej sudzimaha adnaviaskoŭca, uziaŭ sa stała pačak cyharet, u jakim lažała 200 tys. rubloŭ.

«Paśla taho jak małady čałaviek vyjaviŭ prapažu, jon zapatrabavaŭ viartańnia hrošaj ad padletka, jaki, u svaju čarhu, nie adpiraŭsia i paabiacaŭ nieŭzabavie viarnuć hrošy. Adnak chutka 200 tys. viarnuć nie atrymlivałasia, pakolki niepaŭnaletni ŭžo zraschodavaŭ ich», — skazaŭ pradstaŭnik Śledčaha kamiteta.

Da viečara 25 maja maładomu čałavieku nadakučyła čakać viartańnia doŭhu i jon źvioŭ 11-hadovaha brata daŭžnika.

Pryviazaŭšy da dreva, jon zapatrabavaŭ ad jaho baćkoŭ viartańnia 200 tys. rubloŭ. Baćki viarnuli hrošy, a na nastupny dzień źviarnulisia ŭ milicyju z patrabavańniem pakarać kryŭdziciela, jaki napałochaŭ dzicia.

Ciapier padazrony ŭ niezakonnym pazbaŭleńni voli zatrymany, jamu pahražaje pakarańnie da piaci hadoŭ pazbaŭleńnia voli.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?