Arhkamitet rady nacyjanalnaha adradžeńnia Biełarusi, ź jakoha ŭ pierśpiektyvie moža być sfarmavany cieniavy ŭrad, faktyčna stvorany,
paviedamiŭ staršynia arhkamiteta, były kamandzir 5-j asobnaj bryhady śpiecyjalnaha pryznačeńnia pałkoŭnik Uładzimir Baradač.

Pavodle jaho słoŭ, pasiadžeńni arhkamiteta ŭžo prajšli ŭ Rasii, Ukrainie, Polščy i Litvie. U ich udzielničali 28 biełaruskich emihrantaŭ (byłyja supracoŭniki siłavych struktur Biełarusi, hramadskich arhanizacyj i palityčnych partyj) i niekalki dziasiatkaŭ aktyvistaŭ apazicyi, jakija pražyvajuć u Biełarusi. Namieśnikam staršyni arhkamiteta źjaŭlajecca były major KDB Anufryj Ramanovič.

«My ŭžo praktyčna padrychtavali miemarandum arhkamiteta, jaki pavinien być raspaŭsiudžany na hetym tydni. U im buduć adlustravany našy palityčnyja, ekanamičnyja i sacyjalnyja mety i zadačy, bačańnie niezaležnaha biełaruskaha hramadstva, šlachi baraćby z dyktaturaj», — paviedamiŭ Baradač.

Jon miarkuje, što miemarandum zdymie ŭsie zdahadki vakoł idei stvareńnia arhkamiteta. Havorki pra stvareńnie cieniavoha ŭrada i jaho pryznańnie za miažoj ciapier nie idzie, padkreśliŭ były kamandzir bryhady śpiecnaza. «Źjaŭleńnie takoha ŭrada było b vyhadna adrazu paśla prezidenckich vybaraŭ, kali b u jaho ŭvajšli apazicyjnyja kandydaty ŭ prezidenty. Jany mahli b pasprabavać vyrašyć prablemy apazicyi, abjadnać jaje. Adnak čas pakazaŭ, što jany nie hatovyja da realnaj baraćbie z režymam, jany vyrašyli sužencavać ź im «, — skazaŭ Baradač.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?