paviedamili ŭ akcyjaniernym tavarystvie.

Pra svaje namiery «Biełaruśkalij» užo paviedamiŭ AAT «Aščadny bank Rasii», jakoje źjaŭlajecca ahientam uhody.

«Vialikuju častku kredytu ($800 młn) płanujecca vypłacić za košt daterminovaha pahašeńnia naminavanych u valucie ablihacyj Ministerstva finansaŭ Biełarusi, nabytych „Biełaruśkalijem“. Astatniuju častku pradpryjemstva źbirajecca pahasić za košt ułasnych krynic», — adznačyli ŭ AAT.

Razam z tym jość imaviernaść, što sindykavany kredyt budzie refinansavać. Pradpryjemstva praciahvaje pieramovy na hetuju temu z Aščadnym bankam. Akramia taho, u AAT «Biełaruśkalij» nie vyklučajuć, što ŭ vypadku daterminovaha pahašeńnia sindykavanaha kredytu moža być uziaty inšy kredyt.

U listapadzie 2011 hoda ŭ Minsku było padpisanaje kredytnaje pahadnieńnie ab pryciahnieńni sindykavanaha kredytu Aščadbanka Rasii i Jeŭrazijskaha banka raźvićcia (JEABR) u pamiery $1 młrd dla AAT «Biełaruśkalij» terminam na adzin hod. Srodki Aščadnaha banka Rasii ŭ kredycie składajuć $900 młn, JEABR — $100 młn.

Biełaruski ŭrad daŭ harantyju Aščadbanku Rasii i Jeŭrazijskamu banku raźvićcia ŭ pahašeńni sindykavanaha kredytu ŭ pamiery $1 młrd, vydadzienaha «Biełaruśkaliju» na ahulnakarparatyŭnyja mety, a taksama ŭ vypłacie pracentaŭ i inšych płaciažoŭ za karystańnie harantavanaj pazykaj.

Raniej pieršy namieśnik prem'jer-ministra Biełarusi Uładzimir Siamaška paviedamlaŭ pra toje, što «Biełaruśkalij» daterminova pahasić sindykavany kredyt u $1 młrd za košt ułasnych i dziaržaŭnych srodkaŭ. U jakaści adnoj z pryčyn daterminovaha pahašeńnia pieršy vice-premjer nazvaŭ paharšeńnie ŭmovaŭ hadavoha kredytu ŭ druhoj pałovie hoda.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?