Talenavityja ludzi pavinny być zapatrabavany na radzimie,
ab hetym Alaksandr Łukašenka zajaviŭ siońnia, sustrakajučysia z adoranymi navučencami i studentami, lepšymi pradstaŭnikami talenavitaj moładzi.

«Vyznačajučy pryjarytety raźvićcia, my zrabili staŭku na talent i intelekt. Kali ŭ našych susiedziaŭ tolki farmirujucca nacyjanalnyja sistemy vyjaŭleńnia i raźvićcia maładych talentaŭ, to ŭ Biełarusi heta sistema pracuje ŭžo druhoje dziesiacihodździe», — adznačyŭ jon. Pry hetym jon dadaŭ: «Napiaredadni našaj sustrečy ja daručyŭ hrupie śpiecyjalistaŭ razabracca, što ž u kančatkovym vyniku atrymlivajecca paśla stvareńnia banka danych talenavitaj i adoranaj moładzi.

Vyniki sumnyja».

Jon nahadaŭ, što ŭ svoj čas daručyŭ stvaryć bank danych talenavitaj moładzi, kab jaje zdolnaści i dasiahnieńni byli zapatrabavany ŭ krainie ŭ roznych śfierach dziejnaści. Jak adznačyŭ prysutny na sustrečy ministr adukacyi Siarhiej Maskievič, na siońnia ŭ hetym banku danych užo bolš jak 5,5 tys. čałaviek. «A kolki z hetych 5,5 tys. zapatrabavany ŭ našaj krainie, pracaŭładkavany, pracujuć u adpaviednaści sa svaim talentam? Upeŭnieny, nie adkaža dakładna nichto, — zaŭvažyŭ Prezident. — Heta śviedčyć ab tym, što, na žal, dziaržava i tyja ludzi, členy ŭrada, jakim heta davieryli, vielmi drenna vykonvajuć svaje funkcyjanalnyja abaviazki ŭ hetaj častcy pracoŭnaj dziejnaści. I heta my vypravim».

«Niedapuščalna dziaržavie raskidvacca samym darahim — talentami», — padkreśliŭ Łukašenka.

«Toje, što adukacyja ŭ siaredniaj škole biaspłatnaja, dy nichto z talenavitych ludziej i ŭ VNU ničoha nie płacić, nie značyć, što jana biaspłatnaja naohuł.

Dziaržavie heta kaštuje vielmi doraha»,
— skazaŭ Alaksandr Łukašenka.

«My ŭsie razam: naša hramadstva, baćki, piedahohi i dziaržava — padtrymlivajem talenty. Ja ŭpeŭnieny, što ŭ našaj krainie niama nivodnaha adoranaha i talenavitaha maładoha čałavieka, pakinutaha biez uvahi dziaržavy. Stvorana sistema, dzie vy možacie siabie prajavić, i niavažna, jakija ŭ vas siemji — bahatyja ci biednyja, — kali ŭ vas jość talent, vy abaviazkova siabie prajavicie», — upeŭnieny jon. Pry hetym jon padkreśliŭ, što talenavityja ludzi pavinny ŭ pieršuju čarhu być zapatrabavany ŭ svajoj krainie: «My vas znajšli, vyjavili, raźvili vaš talent, dyk čamu my nie možam skarystacca hetym talentam unutry krainy dla raźvićcia našaj dziaržavy. Kali chtości jedzie za miažu — kali łaska, ale dziaržava heta pavinna arhanizoŭvać i ad hetaha atrymlivać efiekt».

«Ale mnie dakładvajuć, što navat maładyja ludzi, jakija vyjechali za miažu i atrymali tam adukacyju pa śpiecyjalnaściach, jakich u nas u VNU niama, nie mohuć viarnucca siudy i narmalna pracaŭładkavacca, tamu što nie ŭrehulavany pytańni z dypłomami, — adznačyŭ z abureńniem Alaksandr Łukašenka. — Kali dobry śpiecyjalist pryjechaŭ z-za miažy, jakaja roźnica, jaki ŭ jaho dypłom!»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?