Ab hetym siońnia raspavioŭ žurnalistam hienieralny sakratar Fiederacyi chakieja Biełarusi Jarasłaŭ Zaŭharodni.

«My spadziajemsia pryciahnuć maksimalnuju kolkaść zaŭziataraŭ na čempijanat śvietu 2014 hoda ŭ Minsku. U suviazi z hetym byŭ padpisany ŭkaz prezidenta krainy, dziakujučy jakomu ŭpieršyniu za ŭsiu historyju čempijanataŭ śvietu pa chakiei ŭjezd na terytoryju Biełarusi padčas praviadzieńnia turniru budzie biaźvizavym dla ŭsich zaŭziataraŭ i ŭdzielnikaŭ spabornictvaŭ. Pryčym dla hledačoŭ dastatkova najaŭnaść nie tolki aryhinalnaha, ale i elektronnaha bileta. My chočam, kab trybuny zapaŭnialisia,

tamu košty na kvitki ŭ chodzie papiaredniaha etapu čempijanatu śvietu buduć demakratyčnymi — ad 8 da 40 jeŭra, heta ŭ niekalki razoŭ tańniej, čym na papiarednich suśvietnych forumach u Šviecyi i Finlandyi, a taksama ŭ Słavakii, Hiermanii i Šviejcaryi.
Dla nas majučy adbycca čempijanat śvietu — nie tolki kamiercyjny prajekt, ale šmat u čym i pijar-prajekt, tamu košt kvitkoŭ vyrašana zrabić dapuščalna minimalnym. Taksama jašče chaču adznačyć, što košt aficyjnaha piva chakiejnaha čempijanatu śvietu-2014 składzie ŭsiaho 1 jeŭra. Heta ŭ niekalki razoŭ nižej, čym u inšych krainach. Da prykładu, na arenach čempijanatu śvietu ŭ Chielsinki i Stakholmie košt piva składaŭ 7–8 jeŭra za kielich. Dumaju, finskija i šviedskija zaŭziatary, a taksama inšyja jeŭrapiejcy hodna aceniać takuju ​​prapanovu», — adznačyŭ Jarasłaŭ Zaŭharodni.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?