Ni ŭ śledčym izalatary Kamiteta dziaržaŭnaj biaśpieki, ni ŭ samim KDB niama zapisaŭ Uładzisłava Kavalova, pakaranaha śmierciu ŭ sakaviku hetaha hoda za saŭdzieł u teraryźmie,
zajaviŭ načalnik centra infarmacyi i hramadskich suviaziej Kamiteta dziaržbiaśpieki Alaksandr Antanovič.

Nahadajem, maci rasstralanaha Luboŭ Kavalova na praciahu ŭžo niekalkich miesiacaŭ biezvynikova dabivajecca ad SIZA KDB viarnuć joj zapisy syna.

Paśla vykanańnia śmiarotnaha pryhavoru Kavalova atrymała pa pošcie ź SIZA KDB pakiet ź jaho asabistymi rečami. Adnak žoŭtaja papka, ź jakoj Uładzisłaŭ chadziŭ na pasiadžeńni suda, akazałasia pustoj.

«Z hetaj papkaj jon byŭ na sudzie, tam znachodzilisia zapisy, zroblenyja im padčas suda i paśla, kali jany z advakatam znajomilisia z sudovaj spravaj dla napisańnia kasacyjnaj skarhi. Uład vielmi prasiŭ, kab hetyja zapisy zachavali»,
— zajaviła Luboŭ Kavalova dva miesiacy tamu.

Jana miarkuje, što ŭ zapisach syna mahli zhadvacca niejkija parušeńni va ŭtrymańni ŭ SIZA i tamu ich kanfiskavali. «Ale ja nie atrymała nijakich dakumientaŭ ab tym, naprykład, što zapisy syna byli źniščanyja ŭ zakonnym paradku», — skazała maci pakaranaha.

Alaksandr Antanovič taksama zajaviŭ, što ŭ KDB niama davieranaściej, jakija, pavodle słoŭ Kavalovaj, Uładzisłaŭ razam z advakatam śpiecyjalna składali dla taho, kab maci mahła dziejničać ad imia syna.

Takija davieranaści, jak paviedamlałasia raniej, składalisia dvojčy. Nivodnaj ź ich Kavalova nie atrymała.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?