U najbližejšy čas u Minsku ŭpieršyniu budzie vyznačany samy hałasisty sałaviej, paviedamiŭ BiełaPAN kaardynatar akcyi «Sałaŭinyja viečary ŭ Minsku» Rusłan Šajkin.

Pavodle jaho słoŭ, akcyju praviaduć hramadskaja arhanizacyja «Achova ptušak Baćkaŭščyny» (APB) sumiesna ź Minskim haradskim kamitetam pryrodnych resursaŭ i achovy navakolnaha asiarodździa. Prasłuchoŭvańnie sałaŭjoŭ projdzie z 29 maja pa 15 červienia ŭ miescach najbolšaha znachodžańnia hetych ptušak. Śpiecyjalisty vyznačać lepšaha śpievaka pa kolkaści i pa jakaści vykanańnia asobnych kalen — cełasnych kupletaŭ ź pieśni. Čym bolš kalen i čym jany čyściejšyja, tym lepšy śpiavak. Pieśnia-pieramožca budzie zapisanaja i vykładzienaja na sajcie APB.

Jak adznačyŭ Šajkin, sioleta sałaŭi ŭ Minsku zaśpiavali rana — jašče ŭ pačatku maja. Jany śpiavajuć šmat i raznastajna. Pačuć sałaŭja možna ŭ bataničnym sadzie, zakaźniku «Labiažy», u asobnych miescach u Łošyckim parku, u zialonych zonach horada. Usiaho ŭ horadzie naličvajecca prykładna 250 miescaŭ, dzie śpiavajuć sałaŭi.

Vyznačeńnie lepšaha śpievaka projdzie ŭ miežach tradycyjnaj akcyi pa ŭliku sałaŭjoŭ, jakaja pravodzicca APB užo šosty hod. Dla ŭdziełu ŭ akcyi nieabchodna patelefanavać pa numary ŭ Minsku 263-06-13 i paviedamić pra miescy śpievaŭ sałaŭjoŭ. Abanienty MTS i velcom mohuć taksama adpravić infarmacyju ab miescach śpievaj sałaŭjoŭ SMS na numar 0841.

U ramkach akcyi APB arhanizuje naziralnyja placoŭki, na jakich usie achvotnyja zmohuć pasłuchać sałaŭjoŭ i pa mahčymaści panazirać za imi. Viečaram 2 červienia takaja placoŭka budzie pracavać u Minskim zaaparku, na nastupnym tydni — u Centralnym bataničnym sadzie i Łošyckim parku. Akramia znajomstva z sałaŭjom amatary pryrody zmohuć pahutaryć sa śpiecyjalistami APB, arnitołahami i vałanciorami. Z dapamohaj binoklaŭ i padzronych trub možna budzie panazirać i za inšymi vidami ptušak. U ramkach «Sałaŭinych viečaroŭ u Minsku» možna budzie paŭdzielničać u ekskursijach pa nazirańni za ptuškami.

Pa vynikach uliku sałaŭjoŭ budzie składziena «Sałaŭinaja karta Minska — 2012».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?