Uletku na aŭtobusnym maršrucie Minsk — Ryha źjavicca novy pieravozčyk. Z 20 červienia estonskaja transpartnaja kampanija Lux Express zapuskaje rejsy Ryha — Paniaviežys — Minsk. Usie aŭtobusy Lux Express abstalavany punktami dostupu ŭ internet pa technałohii wi-fi.

Pieršy aŭtobus Lux Express adpravicca ŭ rejs z Ryhi 20 červienia ŭ 22:50.

Čas pajezdki składzie kala vaśmi hadzin.

Na šlachu ruchu zapłanavanyja tolki dva pramiežkavyja prypynki: u Panieviažysie i ŭ Vilni kala handlovaha centra Panorama. Zvarotny rejs z Centralnaha aŭtavakzała Minska ŭ Ryhu zapłanavany na 21 červienia, čas adpraŭleńnia — 12:15. Pa takim raskładzie aŭtobusy Lux Express buduć kursiravać štodnia. Jak paviedamlajecca na aficyjnym sajcie pieravozčyka, pakul pradajucca bilety tolki z Ryhi ŭ Paniaviežys, Vilniu i Minsk, a taksama z Panieviežysa ŭ Minsk i nazad. Z časam u prodaž pastupiać bilety ź Vilni ŭ Minsk i nazad.

Kožny aŭtobus Lux Express maje kropku dostupu ŭ internet, pryčym pasažyry karystajucca wi-fi ŭ darozie całkam biaspłatna. Praŭda, pieravozčyk papiaredžvaje, što ŭzrovień sihnału moža mianiacca ŭ zaležnaści ad miascovaści abo sihnał moža zusim adsutničać u niekatorych kropkach maršrutu.

Prykładny košt bileta na aŭtobus Lux Express ź Minska ŭ Ryhu składzie 27 jeŭra.

Dla paraŭnańnia: kvitok u płackartny vahon pasažyrskaha ciahnika № 88/87 Minsk — Ryha abyjdziecca ŭ 388 tys. rubloŭ, ci 37 jeŭra ŭ adzin bok, a čas u šlachu składzie 12 hadzin. Košt pieralotu ekanom-kłasam ź Minska ŭ Ryhu i nazad biez uliku śpiecyjalnych prapanoŭ i akcyj varjirujecca ad 140 jeŭra da 280 jeŭra, čas u šlachu — krychu bolš za hadzinu ŭ adzin bok.

U dadzieny momant rehularnyja aŭtobusnyja znosiny pamiž stalicami Biełarusi i Łatvii zabiaśpiečvaje aŭtobusny park № 2 horada Minska, a taksama dva łatvijskija pieravozčyki — kampanii «Nardieka» (Ryha) i «DAP» (Daŭhaŭpiłs). Košt kvitkoŭ u adzin bok vahajecca ad 217 000 da 235 800 rubloŭ, ci 21 i 23 jeŭra adpaviedna. Čas u šlachu składaje prykładna 10 hadzin.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?