Roni Vud z uzrostam usio bolej padobny da fikusa —
virtuozna vałodajučy ŭsimi škodnymi zvyčkami, jakija tolki isnujuć u śviecie, jon, tym nie mienš, zastajecca adnym z samych cikavych hitarystaŭ «staroj zakałki».
Apošnija 35 hod Roni Vud hraje ŭ The Rolling Stones, kudy aby-kaho nie biaruć.
Da «rollinhaŭ» Vud paśpieŭ pierajhrać z pałovaj słavutych anhlijskich muzykaŭ — pa jahonaj bijahrafii možna vyvučać historyju rytm-n-bluza ŭ Brytanii. Adnak najbolš značnym z hurtoŭ byŭ The Faces. Razam sa starym pryjacielem Rodam Ściuartam, Roni stvaryŭ adnu z samych cikavych rok-kamandaŭ70-ch. Što praŭda, paśla ambicyi Ściuarta zabili hurt, a Roni anhažavali «rolinhi». Jany dla pačatku padumali, što zručniej i tańniej nie ličyć Vuda čalcom hurta, a płacić jamu jak najomniku. Praŭda, praź dziesiać hod pryznačyli jaho paŭnapraŭnym udzielnikam kalektyvu.
Paralelna Roni Vud vypuściŭ z tuzin solnych albomaŭ, na jakich z zadavalnieńniem hrali siabry: Mik Džahier, Bob Dyłan, Kit Ryčards, Rod Ściuart i inšyja. Aproč taho
Roni Vud dakładna samy lubimy hitaryst rasijskich tabłoidaŭ — za jaho ramanam z 21-hadovaj aficyjantkaj Kaciaj Ivanovaj sačyli jak za amurnymi pryhodami Ały Barysaŭny.
Ciapier Roni Vud maryć adpravić-taki ŭ tur jubilaraŭ «rolinhaŭ» (a im sioleta — 50), a taksama ładzić kancerty ŭ honar siabroŭ-biljardystaŭ.
