Stvareńnie palityčnaj partyi na bazie respublikanskaha hramadskaha abjadnańnia «Biełaja Ruś» źjaŭlajecca nadzionnaj nieabchodnaściu. Takoje mierkavańnie vykazaŭ siońnia ministr infarmacyi Biełarusi, člen respublikanskaha savieta hramadskaha abjadnańnia «Biełaja Ruś» Aleh Pralaskoŭski, vystupajučy pierad udzielnikami spravazdačna-vybarnaj kanfierencyi Viciebskaj abłasnoj arhanizacyi HA «Biełaja Ruś».

Ministr padkreśliŭ, što pytańnie ab pieraŭtvareńni ŭ partyju budzie razhladacca vosieńniu na respublikanskim źjeździe arhanizacyi.
«Liču, što takaja partyja patrebna i pavinna źjavicca. „Biełaja Ruś“ hatova da pieraŭtvareńniaŭ, hatova stać palityčnaj partyjaj», — padkreśliŭ Aleh Pralaskoŭski, vykazaŭšy nadzieju, što takoje rašeńnie budzie pryniata.
«Hałoŭnym vyklikam na novym etapie stanie pieraŭtvareńnie „Biełaj Rusi“ ŭ subjekt publičnaj palityki z usimi jaje atrybutami, najaŭnaściu ekśpiertaŭ pa samych roznych napramkach žyćciadziejnaści, praviadzieńniem dyskusij, realizacyjaj adzinaj aktyŭnaj palityki i h.d.», — skazaŭ Aleh Pralaskoŭski.
Jon nahadaŭ, što naša kraina žyvie ŭ ramkach Mytnaha sajuza i Adzinaj ekanamičnaj prastory. «Choć udzieł u hetych abjadnańniach adpaviadaje ekanamičnym intaresam Biełarusi, praktyka pakazała, što časta i ŭ hetych arhanizacyjach nieabchodna prajaŭlać namahańni dla adstojvańnia i abarony svaich intaresaŭ. I tut palityčnym partyjam, hramadskim abjadnańniam, prafiesijnym halinovym asacyjacyjam naležyć asablivaja rola. Tamu z poŭnaj upeŭnienaściu možna śćviardžać, što stvareńnie palityčnaj partyi na bazie našaj arhanizacyi źjaŭlajecca nadzionnaj nieabchodnaściu», — reziumavaŭ Aleh Pralaskoŭski.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?