Hazieta "Kamiersant" nazvała heta zdareńnie «dramaj na rasijskim vydavieckim rynku», a Aljans niezaležnych vydaŭcoŭ i kniharaspaŭsiudnikaŭ RF zaklikaje piśmieńnikaŭ i vydaŭcoŭ zhurtavacca pierad abliččam nieminučaj pahrozy: u Rasii vydaviectva «Eksmo» (lider pa nakładach) pahłynaje inšaje vydaviectva - «AST» (maje najbujniejšy vydaviecki partfiel).

«AST» zavinavaciłasia dziaržavie 8 miljardaŭ rubloŭ padatkaŭ. U kampanii takich hrošaj niama -

hetaja suma bolš čym na 2 młrd rub. pieravyšaje hadavy abarot «AST». Ale zaklaty supiernik kampanii, «Eksmo», abviaściŭ, što hatovy dapamahčy, zapłaciŭšy ŭ biudžet hetuju sumu. Partał openspace.ru amal adkryta nazyvaje hetuju łasku rejdarskim zachopam. U vyniku Alehu Novikavu - hiendyrektaru «Eksmo», vice-prezidentu Rasijskaha knižnaha sajuza i hramadskaj arhanizacyi małoha i siaredniaha pradprymalnictva «OPORa Rasii» - budzie naležać 80% rynku biez uliku śpiecyjalnych i navučalnych vydańniaŭ. Dźvie ryski da partreta hetaha čałavieka i biznesoŭca: 1) letaś
Novikaŭ apynuŭsia ŭ centry skandału, źviazanaha z knižnaj sieryjaj «Stalinist», - tady jon spakojna zajaviŭ, što «ličyć siabie abaviazanym adpaviadać hustam svaich čytačoŭ, a nie cenzuravać ich»; 2) paŭhoda tamu Novikaŭ byŭ adzinym pradstaŭnikom ad vialikich vydaviectvaŭ na sustrečy dziejačaŭ kultury z Pucinym.

Adna z samych vialikich niebiaśpiek ciapier - kali knihi «AST» pačnuć raspradavać pa dyskontnych cenach. Usie kramy Rasii buduć zavalenyja dzika tannymi i časta vielmi niadrennymi knihami. Heta pryviadzie da žudasnaha kryzisu ŭ cenaŭtvareńni.

Masavy rasprodaž knih AST abrynie rynak - na adnaŭleńnie spatrebicca niekalki hadoŭ.
Akramia taho, vydaŭcy surjezna aścierahajucca abjadnańnia klučavych knižnych sietak pad kiravańniem «Eksmo», u niekatorych rehijonach «Eksmo» budzie kantralavać pad 100% knižnaha handlu! Što tyčycca rasiejskich piśmieńnikaŭ, dyk pakul jany maŭčać, choć da hetaha častka ich družna mitynhavała suprać Pucina, adkryta vykazvajučy svaju hramadzianskuju pazicyju. Ale heta maŭčańnie vytłumačalna: ad Novikava, a nie ad Pucina, zaležyć zaraz vypłata aŭtarskich hanararaŭ i drukavańnie ich knih naohuł.

Takim čynam, vielmi

vysokaja vierahodnaść taho, što ŭ Rasiei (i ŭ Biełarusi), ludzi buduć čytać tuju litaraturu, jakuju abiare dla ich «Eksmo» - vydaviectva-manapalist z sumniŭnaj reputacyjaj.

* * *

Pa vynikach 2011 hoda

vydaviectva "Charviest", najbujniejšy pradstaŭnik vydavieckaj hrupy «AST» u Biełarusi, vydała 46% mastackaj litaratury krainy pa nazvach i kala 90% -- pa nakładach.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?